လှထုံ နန့် ကလကာ (၂)

0
1927
ကလကာ
ကလကာ

လှထုံ တယောက် ကလကာ ဆိုင်ထဲကို ဝင်လာပနာ ကလကာ တခုဗြီးတခု ကိုင်ပနာ တဆိုင်လုံး မွိန့်ပတ်ရှာနိန်ရေ။

နောက်ဆုံးမှာ မျက်နှာ ပြုံးရောင် သန်းလားဗြီးကေ ကလကာစ တစကို ဆွဲယူခီရေ။

ဆိုင်ရှင် ရှိကို လားပနာ “အေ ကလဂါစကို တပေခွဲ ပတ်လည် ကလဂါ ၈ ခု ဖြတ်ပီးပါ။” လို့ ပြောလိုက်တေ။

“ဟေ … တပေခွဲ ပတ်လည် ကလဂါ။ တခါလည်း မကြားဖူးကာ၊ မခေျ။ မခေျ၊ အတိုင်း မှတ်လာစွာ မှားလာရေဟန်။”

“အဘာလေ … လူကိုများ ငတုံးလို့ မှတ်နိန်ပါလာ။ ညဇာကသိမ့် Laptop ကွန်ပျူတာ အသစ်စက်စက် တလုံး ဝယ်လာပါရေ။ ဖွင့်လိုက်စွာနန့် Windows 8 လို့ ယပြတ်ပေါ်နိန်ပါရေ။ Windows 8 ဆိုစွာ ပတင်းပေါက် ၈ ပေါက်လို့ အင်္ဂလိပ်ပိုင် ပြောစွာပါ။ ကလကာ မတပ်သရွိ ယပြတ်ပေါ်နိန်လတ်မေလို့ ချက်ချင်း ဗြီးလာပနာ ကလကာ လာဝယ်စွာပါ။” လို့ လှထုံ တယောက် အင်္ဂလိပ်စာတတ်ကြောင်း ခေါင်းတမော့မော့နန့် သေသေချာချာ ရှင်းပြနိန်ပါယင့်။

 

စံဂိုးအောင်

ကလကာ = ကလဂါ၊ လိပ်ကာ၊ လိုက်ကာ
မွိန့်ပတ် = လှည့်ပတ်
ပတင်းပေါက် = ပြတင်းပေါက်