မယူတောင် လမ်းသစ် ဖောက်လုပ် ဗြီးစီးနီး

နိရဉ္စရာသတင်း (၂၀၁၇ ခုနှစ်၊ အောက်တိုဘာလ ၁၇ ရက်) – ရက်ပိုင်းအတွင်း မယူတောင်တန်း လမ်းကြမ်း အသစ်ကို ဖောက်လုပ်ဗြီးစီးဖို့လို့ ရခိုင်ပြည်နယ် လွှတ်တော်အမတ် ဦးသန်းနိုင် က ပြောပါရေ။ ယင်းလမ်းသစ်စွာ ရသေ့တောင်မြို့နယ် စေတီပြင်ကျေးရွာနန့် မောင်တောမြို့နယ် အင်တိုင်ရွာကို မယူတောင်တန်းအတိုင်း ဆယ်သွယ်ထားရေ ၁၄ မိုင် အရှည်ရှိရေ လမ်းသစ်ပါ။

ယင်းလမ်းသစ် ဖောက်လုပ်ဗြီးလားကေ စီးပွားရေး၊ စစ်ရေးတိမှာ ပိုလို့ အထောက်အကူ ပြုလာဖို့လို့ လူအများက သုံးသပ်ကတ်ပါရေ။

၂၀၁၇ – ၂၀၁၈ ဘဏ္ဏာရေးနှစ်မှာ ပေ ၄၀ အကျယ် ကျောက်ခင်းလမ်းအဖြစ် စက်ယန္တယား ၁၅ စီးနန့် မြှင့်တင်လားဖို့လို့ ရခိုင်ပြည်နယ် လမ်းတံထားဌာန ညွှန်ကြားရေးမှူး ဦးခင်မောင်မြင့်က ပြောပါရေ။ နောက် လမ်းသစ် တလမ်းကိုလည်း ပြည်ထောင်စု ဘဏ္ဍာနန့် တည်ဆောက်လားဖို့လို့ ဆိုပါရေ။

ကျေးလက်ဒေသ ဖွံ့ဖြိုးရေးဌာန ကလည်း မောင်တောမြို့နယ် အငူမော်ရွာနန့် ကြိမ်ချောင်းရွာကို မယူတောင်တန်း အနောက်ဖက်အတိုင်း  ဆက်သွယ်ထားရေ လက်ရှိလမ်းကို ကင်ကရိလမ်းအဖြစ် မြှင့်တင်လားဖို့ စီစဉ်နိန်ရေလို့ ဆိုပါရေ။

နောက်တလမ်းကတော့ခါ အငူမော်ရွာ ကနိန် စေတီပြင်၊ ညောင်ချောင်း နန့် ဘူးသီးတောင်မြို့နယ်ရို့ကို မယူတောင် အရှိဖက်အတိုင်း ဖောက်လုပ်လားဖို့လို့ ဆိုပါရေ။

ကိုးကား – http://narinjara.com/new-roads-ahead-for-rakhines-mayu-mountain/