အမေရီကန်ဒေါ်လာ မှီခိုနိန်ရစွာကို ချော့ချဖို့ ရာရှား – တရုတ် သဘောတူ

0
1619
ရနံ-ယွမ်
ရနံ-ယွမ်

၂၀၁၇ ခုနှစ်၊ အောင်တိုဘာလ ၃၁ ရက် – အမေရီကန်ပြည်ထောင်စုက ဒေါ်လာကို အသုံးချပနာ အကျပ်ကိုင်စွာတိကို အကြိမ်ကြိမ်ခံရဗြီးရေ နောက်မှာ ရာရှားနိုင်ငံနန့် တရုတ်နိုင်ငံက နှစ်နိုင်ငံ စီးပွားရေး ပူးပေါင်း လုပ်ဆောင်စွာတိမှာ အမေရိကန်ဒေါ်လာကို မသုံးဘဲ ကိုယ်ပိုင် ငွေကြေးတိနန့် အပြန်အလှန် ပီးကတ်ဖို့ သုံးနှစ်ကာလ တခုကို သဘောတူလိုက်ကတ်ပါရေ။

ရာရှား ဒုတိယဝန်ကြီးချုပ် ဆာဂျီ ပြိုင်ခို့ကို က “၂၀၁၆ ခုနှစ်မှာ ရာရှား ထုတ်ကုန် ၁၃% နန့် သွင်းကုန် ၁၆% ကို ရာရှားဒင်္ဂါးနန့် ပီးခပနာ အေဂု ၂၀၁၇ ခုနှစ် ပထမ လေးလမှာ ၁၆% နန့် ၁၈% အထိ အသီးသီး တိုးတက်လာဗျာလ်လို့ ပြောပါရေ။”

“တရုတ်နိုင်ငံကလည်း နယ်ခြား ကူးသန်းရောင်းဝယ်မှုတိမှာ တရုတ်ယွမ်ကို သုံးရေ China International Payments System (CIPS) စနစ်ကို စသုံးလာပနာ အခုဆိုကေ ရာရှားဘဏ်တချို့တောင် CIPS နန့် ဆက်သွယ်ထားဗျာလ်။” လို့ ပြောပါရေ။

အဂုအခါ တရုတ်နိုင်ငံစွာ ကဗာမှာ ရနံတင်သွင်းစွာ အများဆုံးနိုင်ငံ ဖြစ်လာပနာ ဖေ့သာပီးစွာကို အမေရီကန်ဒေါ်လာ ကနိန် တရုတ်ယွမ်နန့် အစားထိုးလာရေအတွက် အယင်က ရနံ-ဒေါ်လာ လို့ ရှိနိန်စွာကနိန် အဂု ရနံ-ယွမ် ကို တစတစ ပြောင်းလဲလာဗျာလ် ဖြစ်ပါရေ။ အမေရိကန်ပြည်ထောင်စုနန့် ပဏာ မသင့်ရေ ဘန်နီဇွဲလားနိုင်ငံက စတော့ စျီးကွက်မှာ အယင်က ရနံစျီးကို အမေရီကန်ဒေါ်လာနန့် ပြစွာကနိန် အဂု တရုတ်ယွမ်နန့်ရာ ပြပါဗျာလ်။ အီရန်နိုင်ငံကလည်း တရုတ်ယွမ်ကို ရနံရောင်းစွာတိမှာ စသုံးလာပါရေ။

အေဟင့်ကို ကြည့်ပနာ ပညာရှင်တိက အယင်က ကဗာမှာ ဗြိတိသျှပေါင်စတာလင်ကို အမေရီကန်ဒေါ်လာ လွှမ်းမိုးလားစွာထက်တောင်၊ တရုတ်ယွမ် လွှမ်းမိုးလာစွာက ပိုပနာ ယင်ဖို့လို့ ယူဆထားကတ်ပါရေ။

ကိုးကား – https://www.rt.com/business/408305-russia-china-currency-swap/