ရာရှားနိုင်ငံစွာ အဲရှား – ပစိဖေ့စ် ဒေသအတွက် သဘာဝ အစားအစာ အဓိက တင်ပို့ရေနိုင်ငံ ဖြစ်ဖို့လို – ပူတိန်

0
1170
Russian President Vladimir Putin © Alexei Druzhinin / Sputnik
Russian President Vladimir Putin © Alexei Druzhinin / Sputnik

၂၀၁၇ ခုနှစ်၊ နိုဗန်ဘာ ၉ ရက် – ရာရှားနိုင်ငံစွာ အဲရှား – ပစိဖေ့စ် ဒေသအတွက် သဘာဝ(သြော်ဂင်းနစ်) အစားအစာ အဓိက ထုတ်လုပ်ပီးရေ နိုင်ငံဖြစ်လာဖို့အတွက် စိုက်ပျိုးရေး ထုတ်လုပ်မှု တိုးတက်လာအောင် လိုအပ်ချက်တိကို တိုးမြှင့်ပီးလားဖို့  လိုရေလို့ ရာရှားသမ္မတ ပူတိန် က ပြောလိုက်ပါရေ။

အရည်အသွေးမြင့်ပနာ ကျန်းမာရေးနန့် ညီညွှတ်တေ အစားအစာတိကို အဲရှားနိုင်ငံတိက တရှိန်ထိုး လိုချင်လာကတ်တေအတွက်၊ ယင်းချင့်ကို အဓိက ဦးတည်ပနာ လုပ်သင့်ရေလို့ အကြံပီးပါရေ။

ရာရှားသမ္မတ ပူတင် က အဲရှား – ပစိဖေ့စ် ဒေသတွင်း လွတ်လပ်တေ ကုန်သွယ်မှုကို ထောက်ခံပနာ၊ လွန်ခရေ ၅ နှစ်အတွင်း အေပတ်(APEC) စီးပွားရေးလုပ်ငန်းတိထဲမှာ ရာရှားနိုင်ငံ ကုန်သွယ်မှုစွာ ၂၃% ကနိန် ၃၁% ထိ တိုးတက်လာဗျာလ် ရာရှားနိုင်ငံ တင်ပို့မှုက ၂၄% ရှိရေလို့ ဆိုပါရေ။ ယင်းပိုင် တိုးတက်လာနိန်စွာကို လုံးဝ မရပ်သင့်လို့ ပြောပါရေ။

(လာဖို့ ၅ နှစ်အတွင်းမှာ ရခိုင်ပြည်ကို ဗမာပြည်နန့် အိမ်နီးချင်းနိုင်ငံတိအတွက် သဘာဝ(သြော်ဂင်းနစ်) အစားအစာ ထုတ်လုပ်တေ အဓိက ဒေသအဖြစ်ရာ ပြောင်းလဲနိုင်ဖို့ဆိုကေ ၁၀ နှစ်အတွင်းမှာ ရခိုင်ပြည်စွာ ဒေသတွင်း အချမ်းသာဆုံးဒေသ ဖြစ်လာနိုင်ရေဆိုစွာကို ရခိုင်သားတိ သတိထားသင့်ပါရေ။)

ကိုးကား – https://www.rt.com/business/409317-russia-eco-food-leader/