၂၀၁၇ ခုနှစ်၊ နိုဗန်ဘာ ၁၁ ရက် – ဟိုလီးဝုဒ် မင်းသမီးတိ အများကြီးကို မဖွယ်မရာ လုပ်ခရေ ဟာဗီး ဝိန်ဆတိန်း Harvey Weinstein အကြောင်းနန့် ဆက်စပ်ပနာ လိင်ပိုင်းဆိုင်ရာ မဖွယ်မရာ စော်ကားခံရစွာနန့် ပတ်သတ်လို့ ဇာပိုင် အစော်ကားခံရစွာကို ပြပြင်းထထန် ကန့်ကွက်လေဆိုပနာ ဥရောပ ၇ နိုင်ငံက လူတိကို စစ်တမ်းကောက်ရေမှာ စိတ်ဝင်စားစရာ အချက်တိကို တွိရပါရေ။
ဒိန်းမက်ခ်၊ အင်္ဂလန်၊ ဖိန်လန်၊ ဖြင့်စ်၊ ဂျာမဏီ၊ နော်ဝေး နန့် ဆွီဒိန် နိုင်ငံရို့က ယောက်ျား၊ မမက် ၈၄၉၀ ကို ဇာပိုင် ပြုမူခံရစွာကို လိင်ပိုင်းဆိုင်ရာ အစော်ကားခံရစွာလို့ သတ်မှတ်ပနာ၊ ဇာပိုင်စွာမျိုးကို ပြပြင်းထထန် ကန့်ကွက်လေဆိုဗျာလ် မေးခွန်းမျိုးစုံနန့် စစ်တမ်းကောက်ကြည့်ကတ်ပါရေ။
မေးခွန်းတိထဲမှာ မမက်တယောက်ကို လိင်ပိုင်းဆိုင်ရာ ဟာသ ပြောစွာကနိန်၊ ရင်သား အကြည့်ခံရစွာ၊ အပြင်ထွက်ဖို့ ချိန်းစွာတိထိ ပါပနာ အဖြေ အများစုက ပုံမှန်သမားရိုးကျလို့ ထင်ရကေလည်း တချို့ အဖြေတိက ထထူးဆဆန်း ဖြစ်နိန်စွာကို သတိထားမိပါရေ။
မမက်တိ စကာ့တ်ကို လန်ပနာ ဓါတ်ပုံ ရိုက်စွာ၊ နောက်ကနိန် လှမ်းနိုက်စွာ၊ သူ့စွာကို လှန်ပြစွာတိကို ကကောင်းရိုင်းရေ လိင်ပိုင်း စော်ကားစွာတိလို့ ၇ နိုင်ငံလုံးက တညီတညွတ်တည်း ပြောကတ်ပါရေ။
ယကေလည်း စိတ်ဝင်စားစရာ တခုက မမက်တိ ရင်သားကို ငေးကြည့်ကတ်စွာနန့် ဆက်စပ်နိန်ပါရေ။ စစ်တမ်းထဲမှာ ဂျာမန်မ ၃၆% လောက်ကရာ သူရို့ ရင်သားကို ငေးကြည့်ကတ်စွာကို လိင်ပိုင်း စော်ကားစွာလို့ ထင်ကတ်ပါရေ။ ဂျာမန်ကလေတိဆိုကေ ၂၂% လောက်ကရာ ယင်းပိုင် ယူဆပါရေ။ ဗြိစ် နန့်၊ ဖြင့်စ် တိက ၅၀% လောက် ရှိပါရေ။
မမက်တယောက်ကို လိင်ပိုင်းဆိုင်ရာ ဟာသ ပြောစွာကို ဂျာမန် ၃၅% မအပ်မစပ် လုပ်တေလို့ ယူဆပနာ၊ ဗြိစ် က ၆၉% ရှိပါရေ။
မမက်တိကို မျက်စိ တဖက် မှိတ်ပြစွာကို ဥရောပ ၆ နိုင်ငံက တခုလည်း မဖြစ်လို့ ယူဆကတ်ကေလည်း ပြင်သစ် ၂၃% က လက်မခံ ကတ်ပါ။
(နိုင်ငံတကာက အလေ့အထချေတိကို လူမှုဆက်ဆံရေ နယ်ပယ်မှာ သတိထား နားလည်တတ်အောင်လို့ ရွီးပီးလိုက်စွာပါ။)