၁၁ နှစ်သမီးကို မဒိန်းကျင့်ရေ လူ အမှုက လွတ်လားလို့ အလိုတူ အသက်ကို ၁၃ နှစ်လို့ ပြင်သစ် ပြင်ဆင်

0
1675
© Michaela Begsteiger / Global Look Press

၂၀၁၇ ခုနှစ် ဧပြဲလ် ၂၄ ရက်နိန့်က ပြင်သစ်နိုင်ငံ ပဲရဲ့စ်မြို့ မြောက်ဖက်မှာ အလည်ရောက်နိန်ရေ ၁၁ နှစ်သမီး ဗဲလ်-ဒီအွိုင်ဆဲ(Val-d’Oise)စွာ မောင်နှမဝမ်းကွဲ တယောက်နန့် ကဇတ်နိန်ယင်းက အနားက ဖြတ်လားရေ ၂၈ နှစ်အရွယ် အန်တိုနီ(Antoine)ဆိုရေ ကလေတယောက်က အနမ်းသင်္ခန်းစာ သင်ပီးဖို့ဆိုလို့ လိုက်လားမိပါရေ။

နောက်ပိုင်း ယင်းလူအခန်းထဲမှာ ယင်းအချေ ၂ ယောက်ဖ ကလေနန့် ယင်း ၁၁ နှစ် သမီးချေစွာ အကြိမ်ကြိမ် အိပ်ခရေလို့ဆိုပါရေ။ ၁၁ နှစ်သမီးချေ အမိက သိလားရေခါ ရဲကို လားပနာ မုဒိန်းမှုနန့် ချက်ချင်း အမှုဖွင့်ပါရေ။ ယကေလည်း နောက်ပိုင်းမှာ ယင်းလူ မဒိန်းမှုက ကွင်းလုံးကျွတ် လွတ်လားပနာ အရွယ်မရောက်တေ အချေကို စော်ကားမှုနန့်ရာ အပြစ်ပီးခံရပါရေ။ ၁၁ နှစ် သမီးချေက အလိုတူ လိုက်ပါလားခလို့ မဒိန်းမှု မမြောက်ခပါ။

ပြင်သစ်နိုင်ငံ ဥပဒေမှာ ၁၅ နှစ်နန့် အထက် မမက်ချေကို အလိုမတူဘဲ လိင်ဆက်ဆံကေ ထောင်ဒဏ် ၁၅ နှစ်ပါ။ ၁၅ နှစ်အောက်ဆိုကေ ထောင်ဒဏ် နှစ် ၂၀ ပါ။ ယကေလည်း အလိုတူ ဆက်ဆံစွာကို အသက်အရွယ် ကန့်သတ်ထားစွာ မရှိပါ။ အဂု အမှုက ပြင်သစ်နိုင်ငံမှာ ဟိုးလေးတကျော် ဖြစ်လားပနာ အဂုဆိုကေ အလိုတူ ဆက်ဆံဖို့ဆိုကေတောင် အသက်အနည်းဆုံး ၁၃ နှစ် ရှိရဖို့ဆိုပနာ ဥပဒေတခု ထုတ်ဖို့ ပြင်ဆင်နိန်ပါရေ။

ကိုးကား – https://www.rt.com/news/409794-france-consent-age-introduce/