လွန်ခရေ ၁၀ နှစ် ဝန်းကျင်လောက်က တိုင်းပြည်တပြည်က စီးပွားဖြစ် ထုတ်လုပ်နိန်ရေ စတော်ဘယ်ရီ စိုက်ခင်းကြီး တခုကို လားလေ့လာဖူးပါရေ။ တရက်တရက်ကို ဒေါ်လာ ထောင်သောင်းချီ ဝင်နိန်ရေ ယင်း စတော်ဘယ်ရီ စိုက်ခင်းတခုလုံးကို လူ ၂ ယောက်၊ ၃ ယောက်နန့်ရာ လုပ်နိန်ပါရေ။ ဇာဖြစ်လို့ဆိုကေ အေပိုင် နည်းပညာနန့် ဆောက်လုပ်ထားလို့ပါ။ ရီပိုက်ကြီးထဲမှာ ရီကို တဝက် အမြဲတမ်း ဖြည့်ထားပနာ အပင်တိကို အပေါက်ချေတိ ဖောက်ထားရေ ခွက်ချေတိထဲမှာ ထည့်ဗျာလ် ရီထဲမှာ အမြစ်တိကို မြှပ်ထားယင်း စိုက်ထားရေအတွက် အေနည်းကို ဒေါင်လိုက် ရီပေါ်စိုက်နည်း(Vertical Aquaponics)လို့ ခေါ်ပါရေ။ အပင်စိုက်တေ ပိုက်ကြီးကို ကသောင်းဝါးနန့် အလုံးလိုက် မဟုတ်ဘဲ ထက်ခြမ်းခွဲဗျာလ်လည်း လုပ်နိုင်ပနာ စင် တခုလုံးကိုလည်း ဝါးနန့် လုပ်နိုင်ပါရေ။
