ကြံနိုင်ကေ အားလုံး ဖေသာ – ပလင်းဟောင်း ၂

0
1608

ပလင်းဖြတ်နည်း

ပလင်းဖြတ်ဖို့အတွက် လိုစွာတိက –

၁) မီးဇာကြိုး ၁ ပင်

၂) မီးတောက်နိုင်ရေ ဆီ (လက်သည်းဆိုးဆီး ဖြည်ဆီး / ဒီဇယ်ဆီ / ဇစ်ပိုဆီ …) တခွက်

၃) ပလင်း တလုံးလုံးကို စိမ်နိုင်ရေ ရီအအီး ထည့်ထားရေ ဇလုံ / ခွက်

၄) မဆွေး ၁ လုံး

 

လုပ်ပုံလုပ်နည်း

၁) မီးဇာကြိုးကို အယင်ဆုံး ဆီစိမ်ပါ

၂) ဖြတ်ချင်ရေ နိန်ရာကို မီးဇာကြိုးနန့် ပတ်ပါ

၃) မီးဇာကြိုးကို မဆွေးနန့် မီးတိုက်ပနာ မီးလောင်စွာနန့် ပလင်းကို အသာချေ လည်ပီးထားပါ

၄) ၄၅ စက္ကန့်လောက် ကြာရေခါ / မီးဇာ ကုန်လားရေခါ ပလင်းကို ရီအအီး(ရခဲရေ ဆိုကေ ပိုကောင်း) ထည့်ထားရေ ဇလုံ / ခွက်ထဲမှာ ချက်ချင်း နှိုက်ချလိုက်ပါ

“ခြပ်” ဆိုပနာ အသံကြားကေ ပလင်း ကွဲလားပါဗျာလ်။ မကွဲသိမ့်ဆိုကေ အထက်က နည်းအတိုင်း ပြန်လုပ်ပါ။ ပလင်းအထူအပါးကို လိုက်ပနာ မီးအပူပီးရဖို့ အချိန် ကွာခြားနိုင်ပါရေ။

တတ်နိုင်ကေ လက်အိပ် စွပ်ထားပါ။