အေနိန့် ဘဲ့တ်ကွိုင်း ၁ ခတ် တန်ဖိုး ဒေါ်လာ ၈၂၀၀ ထိ စံချိန်တင်

0
1109
ဘဲ့တ်ကွိုင်း ၁ ခတ်

၂၀၁၇ ခုနှစ် နိုဗန်ဘာ ၂၀ ရက် – အေနိန့်ခါ ကဗာ့ နာမေအကြီးဆုံး ခြစ်ပတိုကာရမ်စီ ဘဲ့တ်ကွိုင်း ၁ ခတ် တန်ဖိုးစွာ ၈၂၀၀ ထိ စံချိန်တင် ထိုးတက်လားပါရေ။ အေ တနှစ်တည်းမှာကို ဘဲ့တ်ကွိုင်းတန်ဖိုးစွာ ၈၅၀ ရာခိုင်နှုန်းထိ ထိုးတက်လာစွာပါ။

အေလ အစောပိုင်းက ဘဲ့တ်ကွိုင်း ၁ ခတ်ကို ဒေါ်လာ ၅၅၀၀ ထိ ထိုးကျလားကေလည်း အဂုအခါ တခါလည်း မရှိဖူးခရေ စံချိန်ကို ထိုးတက်လာပြန်ပါရေ။ လဆန်းပိုင်းက ဘဲ့တ်ကွိုင်း ၁ ခတ် ဝယ်ခဖို့ဆိုကေ အေနိန့်ခါ ပြန်ရောင်းကေ ဒေါ်လာ ၂၇၀၀ အမြတ်ထွက်နိန်ပါဗျာလ်။ အေနှစ် အစပိုင်းက ဘဲ့တ်ကွိုင်း ၁ ခတ် တန်ဖိုးစွာ ဒေါ်လာ ၁၀၀၀ ကျော်က စလာစွာပါ။ အဂုအချိန်မှာ ဘဲ့တ်ကွိုင်း စုစုပေါင်း တန်ဖိုးစွာ ဒေါ်လာ ၁၃၇ ဘီလီယံကို ရောက်လားပနာ ကဗာ့ နာမေကြီး ကော်ပိုရေးရှင်းကြီးတိ ဖြစ်တေ Siemens ၊ Mastercard ၊ British American Tobacco နန့် McDonald ရို့ကို ကျော်တက်လားပါဗျာလ်။

(ရခိုင်လူမျိုးတိ ရင်းနှီးမြှပ်နှံမှု သဘောတရားနန့် စီးပွားရေး သဘောတရားကို ပို နားလည်လာအောင် နိုင်ငံတကာ စီးပွားရေးသတင်းတိကို စဥ်ဆက်မပြတ် တင်ဆက်ပီးနိန်စွာပါ။)