ဆံပင် ပြန်ပေါက်ချင်လာ?

0
202

ယောကျာ်း၊ မမက် အားလုံး အရွယ်ရောက်ကေ ဆံပင် ကျွတ်တတ်ကတ်ပါရေ။ ဆံပင် အများကြီး ကျွတ်တတ်တေ လူတိ တခါတရီမှာ လူတော မတိုးဝံ့ဖြစ်လားတတ်ပနာ၊ စိတ်ဓါတ်လည်း ကျလားတတ်ကတ်ပါရေ။ ဆံပင်ပေါက်ဆီးဆိုပနာ စျီးကကြီးနန့် ရောင်းကတ်တေ ဓါတုပစ္စည်း အများစုကလည်း ရေရှည်သုံးဖို့ မသင့်ပါ။

အိမ်သုံးဆား

အမှန်တကယ် ဆံပင် ပြန်ပေါက်ဖို့ တခုတည်းလိုရေ သဘာဝပစ္စည်းက ထမင်းချက်ခန်းမှာ သုံးနိန်ရေ ပင်လယ်ရီကို နီလှန်းထားရေ အိမ်သုံးဆားပါ။ ရှိခေတ် အဆက်ဆက်ကပင် အိမ်သုံးဆားစွာ ဆီးပစ္စည်းတိုင်းနန့် အလှကုန်ပစ္စည်းတိုင်းမှာ မရှိမဖြစ် ပါနိန်ကျပါ။ အမှန်က အိမ်သုံးဆားမှာ သတ္တုဓါတ် အစုံပါရေအတွက် အသားအရီအတွက် ကကောင်း အသုံးတည့်ပါရေ။ ဆပါး(Spa)တိမှာ ခြီလက်ကိုယ်လုံးတိကို ဆားရည်စိမ်ခိုင်းပနာ အသားအရီတိ ပြန်ကောင်းလာအောင် လုပ်ကတ်စွာကို သတိထားမိပါလိမ့်မေ။ အိမ်သုံးဆားစွာ သီလားရေ အရီပြားတိကို ဖယ်ရှားပီးပါရေ။ တစ်သျှူးတိကို သန်စွမ်းအောင် လုပ်ပီးပါရေ။ ဆဲလ်တိကို ပြန်ရှင်လာအောင် လုပ်ပီးနိုင်ပါရေ။ သွီးလည်ပတ်နှုန်းကိုလည်း တိုးမြှင့်ပီးပါရေ။ ယင်းအတွက်နန့် ခန္ဓာကိုယ်မှာ ပျက်စီးလားရေ အရီပြားတိ၊ ဆံပင်တိ ပြန်ပနာ ရှင်သန်လာဖို့ အကောင်းဆုံး သဘာဝပစ္စည်းက အိမ်သုံးဆားပါ။

ဆံပင် ပြန်ပေါက်ချင်ကေ ဆံပင်ကို ပုံမှန် ရီနန့် ဆီးပလိုက်ပနာ မျက်နှာသုတ်နန့် သုတ်ပလိုက်ပါ။ ထမင်းချက်ခန်းက အိမ်သုံးဆားကို ယူပနာ ခေါင်းမှာ ဆံပင်ခြီရင်းထဲထိ ရောက်အောင် ပွတ်ဗျာလ် ၁၅ မိနစ်လောက် အသာအသာ နှိပ်နှယ်ပီးပါ။ အဗြီးကေ ရီနန့် စင်အောင် ပြန်ဆီးချပလိုက်ပါ။ အေပုံစံအတိုင်း ၁ ပတ်ကို ၂ ကြိမ်ကျ လုပ်လားကေ ၂ လ ကြာရေခါ ကကောင်း ထူးခြားရေ ရလာဒ်ကို သတိထားမိပါလိမ့်မေ။ ဆံပင်တိ ပြန် သိပ်သည်းလာပနာ၊ ဆံပင်သစ်တိ ပြန်ပေါက်လာပါလိမ့်မေ။ ဆံပင်ကျွတ်စွာလည်း သိသိသာသာ နည်းလားပနာ ပိုသိသာစွာက ဘောက် လုံးဝ ပျောက်လားပါလိမ့်မေ။

ကိုင်း စမ်းသုံးကြည့်ပနာ အောက်မှာ ထူးခြားမှု ရှိ၊ မရှိ မှတ်ချက် ရွီးပီးကတ်ပါ။ အဆင်ပြေရေဆိုကေ အများသိအောင် ထပ်ဆင့် မျှဝီပီးကတ်ပါ။

ကိုးကား – http://tipzcollection.blogspot.sg/2016/12/natural-remedy-for-hair-loss-with-1.html