နောက် ဂျပ်ခ် မားတိ ပေါ်ထွန်းဖို့ အာလီဘာဘာက စင်္ကာပူမှာ သင်တန်း လာသင်ပီးဖို့

0
183
ဂျပ်ခ် မား

အီး-ကင်းမာ့စ်(e-commerce)လို့ ခေါ်ရေ အွင်လိုင်း အရောင်းအဝယ် စီးပွားရေးသမားတိ ပေါ်ထွန်းလာဖို့အတွက် တရုတ် ဘီလီယံနာ ဂျပ်ခ် မား(Jack Ma)က ကူညီပီးချင်ရေအတွက် တရုတ်နိုင်ငံ အပြင်ဖက်မှာ ပထမဆုံး အကြိမ်အဖြစ် အိန်တာနတ်က တဆင့် စီးပွားရေး ဇာပိုင် လုပ်ရဖို့လဲဆိုရေ သင်တန်းကို အာလီဘာဘာက စင်္ကာပူနိုင်ငံမှာ ၂၀၁၈ ခုနှစ်မှာ လာသင်ပီးပါဖို့။

၂၀၀၈ ခုနှစ်ကပင် တရုတ်နိုင်ငံ ဟန်ဇု(Hangzhou)မှာ စပနာ ဖွင့်လှစ်ထားရေ အာလီဘာဘာ စီးပွားရေးကျောင်း(Alibaba Business School)က သင်ပြမှုနန့် သင်တန်းဆင်းလက်မှတ်တိကို ပီးအပ်လားပါဖို့။ ယင်းသင်တန်းကို အာလီဘာဘာ စီးပွားရေးကောလိပ်(Alibaba Business College)နန့် စင်္ကာပူနိုင်ငံက အန်တီယူစီ(Singapore National Trades Union Congress (NTUC))နန့် နန်ယမ်း နိုင်ငံတကာ စီးပွားရေးကောလိပ်(Nanyang International Business College)ရို့ ပူးပေါင်းဖွင့်လှစ်ထားရေ သင်တန်းကျောင်း တခုနန့်၊ အလုပ်ခန့်အပ်ရေးနန့် အလုပ်ခန့်အပ်ရေးဆိုင်ရာ သင်တန်းကျောင်း(Employment and Employability Institute)က နှစ်ဖက် နားလည်မှု စာချွန်လွှာတိကို အယင် အပတ်ကပင် လက်မှတ်ထိုးထားဗျာလ်လို့ ဆိုပါရေ။

ဇာမှာ သင်ဖို့၊ ဇာလောက်ကျဖို့ဆိုစွာကိုတော့ မသိရသိမ့်ပါ။ သင်ခန်းစာတိက ပြင်ဆင်နိန်တုန်းလို့ဆိုပါရေ။ သင်တန်းဗြီးလားကေ တက်ရောက်တေ ကျောင်းသားတိုင်းကို အာလီဘာဘာ စီးပွားရေး ကောလိပ်က သင်တန်းဆင်းလက်မှတ် ချီးမြှင့်လားဖို့လို့ဆိုပါရေ။