စက္ခူထက် ၁ သိန်းပုံ ၁ ပုံထိ ပါးရေ ပစ္စည်းတမျိုးကို တီထွင်နိုင်လိုက်ဗျာလ်လို့ အိန္ဒိယ သိပ္ပံပညာရှင်တိက ညဇာက ကြေငြာလိုက်ပါရေ။ ယင်းပစ္စည်းမျိုးကို နောက်မျိုးဆက် ဘတ္ထရီတိနန့် ခရမ်းလွန်ရောင်ခြည်ကို စုပ်ယူနိုင်ရေ အလွှာတိအဖြစ် အသုံးပြုနိုင်ရေလို့ ဆိုပါရေ။
ယင်းပစ္စည်းအထူက ၁ နန်နိုမီတာ အထူရာ ရှိပါရေ။ နှိုင်းယှဥ်ပြရဖို့ဆိုကေ၊ လူ့ ဆံပင် ၁ ချောင်း အပြားက ၈၀,၀၀၀ နန်နိုမီတာ အကျယ် ရှိပနာ၊ လူ့ ဒီအန်အေ အချင်းက ၂.၅ နန်နိုမီတာ ရှိပါရေ။
အေဟင့်ကို အိန္ဒိယ ဂန္ဒီနာဂါ နည်းပညာ တက္ကသိုလ်(Indian Institute of Technology Gandhinagar)က တီထွင်လိုက်စွာပါ။