ပထမဆုံး ဗြိတိသျှလူမျိုးတိစွာ အသားမည်းရေ လူတိရာ ဖြစ်တေလို့ တွိရှိ

0
1113
© Justin Tallis / AFP
© Justin Tallis / AFP

အင်္ဂလန်.နိုင်ငံက သက်တမ်း အရင့်ဆုံး နှစ် ၁၀,၀၀၀ လောက်ရှိရေ အရိုးစု ဆင်းသက်လာရေ မျိုးရိုးကို စစ်ဆေးကြည့်လိုက်တေမှာ ယင်းလူစွာ လူဖြူမျိုးရိုးက ဆင်းသက်လာစွာ မဟုတ်ဘဲ၊ အသားမည်းရေ လူ (ဝါ) လူမဲ မျိုးရိုးက ဆင်းသက်လာရေ လူလို့ရာ လုံးဝ မထင်မှတ်ဘဲ တွိလိုက်ရပါရေ။

ချတ်ဒါ ဂိုးချ်(Cheddar Gorge)က ဂေါက်ချ် ဂူ(  Gough’s Cave)ထဲမှာ တွိရေ ချတ်ဒါ မန်း(Cheddar Man)လို့ နာမေပီးထားရေ လူတယောက် အရိုးစု အပြည့်အစုံကို အမျိုးသား သမိုင်း ပြတိုက်(National History Museum)က နောက်ဆုံးပေါ် မျိုးရိုးကောက်တေ နည်းပညာနန့် မျက်နှာ ပုံဖော်ရေ နည်းပညာတိကို သုံးပနာ စစ်ဆေးကြည့်ရေမှာ၊ ပထမဆုံးအင်္ဂလန်.နိုင်ငံကို အခြေချခရေ လူတိစွာ အသားမည်း၊ ဆံပင်မည်း ကောက်ပနာ၊ မျက်လုံးလည်း အပြာရောင် ရှိနိုင်ရေလို့ တွိရှိရပါရေ။

ချတ်ဒါ မန်း စွာ အရပ် ၅ ပေ ၅ လက်မ၊ ကိုယ် အလီးချိန် ၁၀ စတုံ (၁၄၀ ပေါင်)နန့် သွားတိ ကောင်းစွာကို တွိရပါရေ။ အသက် ၂၀ လောက်မှာ သီလားခပုံရပါရေ။ ယင်းအချိန်က အဂု အင်္ဂလန် ဖြစ်လာဖို့ နိန်ရာမှာ ခွီးတိ၊ လေး၊ မျှားတိနန့် တောဝက်၊ သမင်တိကို အမဲလိုက်ပနာ တဲချေတိနန့် နိန်ထိုင်ခရေ လူတိအထဲက တယောက်ပါ။

ယင်းလူတိစွာ အာရှတိုက် အရှိအလယ်ပိုင်းက တဆင့်၊ ဥရောပတိုက်ကို မပြောင်းလာခင် အာဖရိကတိုက်မှာ မူလ အခြေချခရေ မျိုးရိုးက ဆင်းသက်လာရေလို့ ယူဆထားကတ်ပါရေ။