ရာရှားနိုင်ငံက တရုတ်နိုင်ငံကို ကောက်ပဲသီးနှံ အယင်တနှစ် ၅ သိန်း ၃ ထောင် တန် တင်ပို့ခစွာကနိန်၊ အေနှစ် သမိုင်းဝင် စံချိန်အဖြစ် တန်ချိန် ၁.၂၃ သန်း တင်ပို့ခရေလို့ TASS သတင်းမှာ ဖော်ပြထားပါရေ။
အေနှစ် ဂျုန်လ ၃၀ ရက်နိန့်မှာ ပြည့်ဖို့ တနှစ်စာ စရင်းမှာ၊ ရာရှားက တနှစ်ကို တင်ပို့ရေ ကောက်ပဲသီးနှံ တန်ချိန်စွာ ၅၂ သန်း ရှိဖို့လို့ ဆိုပါရေ။ ရာရှားက ကောက်ပဲသီးနှံ ဝယ်ရေ နိုင်ငံတိ အထဲမှာ၊ တရုတ်နိုင်ငံစွာ ၁၃ နိုင်ငံမြောက် အများဆုံး နိုင်ငံပါ။
တရုတ်ကို တင်ပို့ရေ ကောက်ပဲသီးနှံတိထဲမှာ ပဲ၊ နှမ်း၊ ဂျုံ၊ နေကြာ၊ ကွေကာအုပ် အစိတိ ပါရေလို့ဆိုပါရေ။
မှတ်ချက် – နိုင်ငံတနိုင်ငံ စီးပွားရေး တိုးတက်ဖွံ့ဖြိုးလာစွာနန့်အမျှ ဝယ်ယူတင်သွင်းမှု ပမာဏကလည်း သိသိသာသာ များပြားလာပါရေ။ အဂုအခါ တရုတ်နိုင်ငံနန့် အိန္ဒိယနိုင်ငံရို့ရေ ကဗာ့ထိတ်တန်း အချမ်းသာဆုံး နိုင်ငံတိ စာရင်းထဲကို ဝင်ရောက်လာဗျာလ် ဖြစ်တေအတွက် အေနိုင်ငံတိ လိုအပ်ချက်ကလည်း ကကောင်းကြီးကို အဆပေါင်းများစွာ ကြီးလာပါရေ။ အေနိုင်ငံကြီးတိ ဖွံ့ဖြိုးမှုကို အခြေခံပနာ ရခိုင်ပြည်လက်ရှိ စီးပွားရေးကို ပြုပြင်ပြောင်းလဲသင့်ရေလို့ ကျွန်တော် ယူဆမိပါရေ။
