ကဗာ့ဖလားဘောလုံး ဖွင့်ပွဲမှာ ပထမဆုံး ရာရှား ကလိမ့်မေချတိ ဘောလုံးကောက်ဖို့

A member of the Cadets female team from the town of Agryza, Republic of Tatarstan. © Maksim Bogodvid : Sputnik

ဘောလုံးပွဲတိမှာ နောက်က ဘောလုံးကောက်တေ အချေတိကို ဘောလ်ဘွိုင်စ် (ball boys) ရို့ ခေါ်ပါရေ။ အမြဲတမ်း ယောကျာ်းချေတိရာ လုပ်ကတ်ပါရေ။ ယကေလည်း အဂုလာဖို့ ၂၀၁၈ ဖီဖာ ကဗာ့ဖလား ဘောလုံးပွဲ (2018 FIFA World Cup) မှာတော့ ရာရှားနိုင်ငံ တာတာဆတန် ဒေသ (Republic of Tatarstan)၊ အေဂရိဇ်မြို့ (Agryz) က ကလိမ့်မေချေတိ ဘောလုံးကောက်ဖို့ ဖြစ်တေအတွက် ကဗာ့ပထမဆုံး ဘောလုံးကောက်တေ ကလိမ့်မေချေတိ ဖြစ်လာပါဖို့။

တနိုင်ငံလုံးမှာ ကျင်းပရေ ဘောလ်ဘွိုင်စ်တိ ရွီးပွဲမှာ အသက် ၁၃ ကနိန် ၁၆ နှစ်ကြား ရှိရေ ယင်းကလိမ့်မေချေတိက အနိုင်ရလားစွာပါ။ လာဖို့ ဂျုံလ ၁၄ ရက်နိန့်မှာ၊ မောစကိုမြို့ လုဇ်နီကီ ဘောလုံးကွင်း(Luzhniki Stadium) မှာ ကျောက်ကတ်ဖို့ ရာရှား – ဆော်ဒီအာရေးဗီးယား ပွဲစဉ်မှာ စပနာ ယင်းကလိမ့်မေချတိ ဘောလုံး ကောက်လားဖို့ ဖြစ်ပါရေ။

The Cadets female team from the town of Agryza, Republic of Tatarstan
The Cadets female team from the town of Agryza, Republic of Tatarstan