ညဇာက ရာရှားသမ္မတ ဗလာဒီမာ ပူတိန် နန့် ဆီးရီးယားဂေါင်းဆောင် ဘာဆာ အာဆတ် ရို့ ရာရှားနိုင်ငံ၊ ဆိုချီမြို့မှာ တွိဆုံပနာ နိုင်ငံရေးအကြောင်းအရာတိကို တွိဆုံညှိနှိုင်းကတ်တေလို့ ယာယီသမ္မတ ပြောရေးဆိုခွင့်ရ ပုဂ္ဂိုလ် ဒီမီထရီ ပတ်စ်ကော့ဗ် (Dmitry Peskov) က ဆိုပါရေ။
ဆီးရီးယားဂေါင်းဆောင်က ယူအန်က ဦးဆောင်ပနာ ဂျီနီဗာမြို့မှာ ဖွဲ့စည်းဖို့၊ ဆီးရီးယားနိုင်ငံ အခြေခံ ဖွဲ့စည်းအုပ်ချုပ်ပုံ ပြန်ရွီးဆွဲရေး ကော်မတီထဲမှာ ပါဝင်ဖို့၊ ကိုယ်စားလှယ်တဖွဲ့ လွတ်ပီးဖို့ဆိုပနာ ပြောလားပါရေ။
အခုအချိန်မှာတော့ခါ ဆီးရီးယားနိုင်ငံ ဓမ္မဆကာ့စ်မြို့ တောင်ဖက်၊ ယာမောင့် (Yarmouk) ဒေသမှာ အစ္စလာမ်မဲ့နိုင်ငံ (Islamic State (IS, formerly ISIS)) လက်နက်ကိုင်တိနန့် ဆီးရီးယားအစိုးရ စစ်တပ်ရို့ အပြင်းအထန် စစ်ဖြစ်နိန်တုန်းပါ။ ယာမောင့်ဒေသစွာ အယင်က ပါလစ္စတိုင်း ဒုက္ခသယ်တိ စခန်းနိန်ရာပါ။ ၂၀၁၅ ခုနှစ်ကပင် အစ္စလာမ်မဲ့နိုင်ငံ လက်နက်ကိုင်တိက သိမ်းပိုက်ထားပနာ၊ လက်နက်ကိုင် ၂ ထောင်လောက် ရှိနိန်ရေလို့ ခန့်မှန်းထားပါရေ။
