ဆန့်ကျင်ဖက် လိင်ပိုင်ရာ ဖြစ်ချင်ရေ အချေတိ ဦးနှောက် ဖွဲ့စည်းပုံနန့် အလုပ်လုပ်ပုံစွာ၊ သူရို့ ဖြစ်ချင်ရေ လိင်မှာ ရှိရေ ဦးနှောက် ဖွဲ့စည်းပုံ၊ အလုပ်လုပ်ပုံနန့်ရာ ပိုပနာ လားတူရေဆိုစွာ၊ သံလိုက် အသံလှိုင်း ပုံဖော်စက် (Magnetic resonance imaging (MRI)) နန့် လုပ်တေ၊ သုတေသနသစ် တခုမှာ တွိရရေလို့ ဖော်ပြထားပါရေ။
ယောကျာ်းချေအဖြစ် မွီးလာပနာ၊ မမက်ချေပိုင်ရာ ဖြစ်ချင်ရေ အချေ ဦးနှောက်စွာ၊ ယောကျာ်းချေတိ ဦးနှောက်ထက် မမက်ချေတိ ဦးနှောက်နန့် ပိုပနာ လားဆင်ရေပိုင်၊ မမက်ချေအဖြစ် မွီးလာရေ အချေကလည်း ယောကျာ်းချေပိုင်ရာ နိန်ချင်ကေ၊ ယင်းကလိမ့်မေချေ ဦးနှောက်စွာ မမက်ချေတိ ဦးနှောက်ထက်၊ ယောကျာ်းချေတိ ဦးနှောက်နန့် ပိုပနာ လားဆင်ရေလို့ ဆိုလိုစွာပါ။
လိင် ပြောင်းပြန်ဖြစ်ချင်နိန်ရေ အချေအယောက် ၁၆၀ ကို ဘဲလ်ဂျီယန်နိုင်ငံ၊ လိုင်းဂျ် တက္ကသိုလ် (University of Liege) က အမ်းအာအိုင် လုပ်တေ သုတေသနမှာ လားတွိစွာပါ။
ဗြီးခရေ မာ့ချ်လထဲမှာလည်း၊ ဆိုင် ပေါ်လို ဆီးကျောင်း တက္ကသိုလ် (University of Sao Paulo’s Medical School ) က သုတေသနတခုမှာ ဆဆင်တူရေ တွိရှိချက်တခုကို ဖော်ပြဖူးပါရေ။