အစီအစဉ် လုပ်ဗြီးမှ ပြန်ဖျက်ခရေ ဂျုန်လ ၁၂ ရက် စင်္ကာပူနိုင်ငံ တွိဆုံပွဲကို၊ အစီအစဉ်အတိုင်း ပြန်ကျင်းပနိုင်အောင် ဆွေးနွေးနိန်စွာ၊ လမ်းကြောင်းထက်ကို ပြန်ရောက်နိန်ဗျာလ်လို့ အမေရီကန်ပြည်ထောင်စု သမ္မတ ဒိုနဲဒ် ထရုန့် က ပြောလားပါရေ။
“မြောက်ကိုးရီးယားနန့် တွိဆုံပွဲ အစီအစဉ်ကို ကောင်းကောင်း စီစဉ်နိန်ပါရေ။ ရှိဆက်ဖို့ အဆင့်ဆင့် အဆင်ပြေနိန်ပါရေ။ ဂျုန်လ ၁၂ ရက်နိန့် စင်္ကာပူနိုင်ငံကို ပြန်ဦးတည်နိန်ပါရေ။ အဂုထိ အပြောင်းအလဲ မရှိသိမ့်ပါ။” လို့ ထရုန့် အိမ်ဖြူတော်ကနိန် ပြောလားပါရေ။
