နှစ် ၄၀ အတွင်းမှာ အပြင်းထန်ဆုံး ပေါက်ကွဲနိန်ရေ ဂွါတီမာလာနိုင်ငံက ဖူးဂို (Fuego) မီးတောင်စွာ ဗြီးခရေ တနင်္ဂနိန်နိက စပေါက်ကွဲပနာ၊ အင်္ဂါနိမှာ တခါ ထပ်ပေါက်ကွဲရေအတွက် အဂုအခါ လူ အနည်းဆုံး ၉၉ ယောက် သီဆုံးပနာ၊ လူ ၃၀၀ ကျော် ထိခိုက်ဒဏ်ရာ ရနိန်ပါရေ။ လူ ၁၀၀ ကျော်လည်း ပျောက်နိန်ပါသိမ့်ရေ။ ၁၉၀၂ ခုနှစ် နောက်ပိုင်း၊ ဂွါတီမာလာနိုင်ငံမှာ လူသီဆုံးမှု အများဆုံး ဖြစ်ရပ်ပါ။
မီးတောင်ပြာတိ ဖုံးပနာ ပတ်ဝန်းကျင်က ရွာတိ ဇာပုံ ဖြစ်လားလေဆိုစွာ အထက်စီးက ရိုက်ထားရေ အောက်က ဗွီဒီယိုမှာ မြင်နိုင်ပါရေ။ ကယ်ဆယ်ရေး လုပ်နိန်ရေ လူတိက လွဲလို့ ရွာသူရွာသားတိကို မမြင်ရပါဗျာလ်။