၂၀၁၈ ခုနှစ် ကဗာ့ဖလားဘောလုံးဖွင့်ပွဲ မတိုင်ခင် ရာရှားသမ္မတ နန့် ဆော်ဒီအိမ်ရှိမင်းသား တွိဆုံ

© Kremlin.ru
© Kremlin.ru

အေနိ ရာရှားသမ္မတ ဗလာဒီမာပူတိန် နန့် ဆော်ဒီ အိမ်ရှိမင်းသား မိုဟာမတ် ဘိန် ဆာလမန် ရို့ ရာရှားနိင်ငံ၊ ခြိမ်မလိမ်နန်းတော်မှာ တွိဆုံကတ်ပါရေ။ အဓိက တွိရရေ အကြောင်းရင်းက ရနံစိမ်းထုတ်လုပ်တေ ပမာဏ ချော့ချဖို့အတွက်လို့ ဆိုပါရေ။ နှစ်ဖက် စွမ်းအင်ဝန်ကြီးတိလည်း၊ တွိဆုံဆွေးနွေးပွဲကို တက်ရောက်ကတ်ပါရေ။

ဆွေးနွေးပွဲ အပြီးမှာ အေနိ ကျင်းပရေ ၂၀၁၈ ခုနှစ် ကဗာ့ဖလား ဘောလုံးပွဲ ဖွင့်ပွဲနန့်၊ ရာရှား၊ ဆော်ဒီအာရေးဗီးယား ဘောလုံးပွဲ ပွဲစဉ်ကို နှစ်ယောက်လုံး တက်ရောက် အားပီးကတ်ပါရေ။ “အေနိန့် ဆော်ဒီအသင်း နိုင်ပါဇီလို့ ဆုတောင်းပီးလို့ မရဆိုစွာကိုတော့ နားလည်ပါလိမ့်မေ။ အင်အားအကြီးဆုံး အသင်းကတော့ နိုင်လားပါလိမ့်မေ။” လို့ ပူတိန်က ဆော်ဒီ အိမ်ရှိမင်းသားကို ပြောလိုက်ပါရေ။

အေနိန့် ရာရှား – ဆော်ဒီအာရေးဗီးယား တွိကတ်တေ ကဗာ့ဖလား ပွဲဦးထွက် ဘောလုံးပွဲမှာ၊ ရာရှားအသင်းက ဆော်ဒီအာရေးဗီးယားအသင်းကို ၅ ဂိုး – ၀ ဂိုး နန့်၊ ၅ ဂိုး အပြတ် နိုင်လားပါရေ။

Leave a Reply

Please Login to comment
  Subscribe  
Notify of