ကိုယ့်ကို ဝေဖန်ခံရစွာကို တခါလည်း မကြားဖူးကေ၊ ဝေဖန် ခံရစွာကို မခံနိုင်ကေ၊ ယင်းလူစွာ ကိုယ်လုပ်စွာ မှားလားမှန်လား၊ အများက လက်ခံနိုင်ယင့်လား ဆိုစွာကို၊ တခါလည်း ခွဲခြားသိနိုင်ဖို့ မဟုတ်ပါဗျာလ်။ အများအတွက် မှန်ကန်ရေ လုပ်ဆောင်ချက်တိကို လုပ်ချင်ရေ လူတိ၊ လူတိ ဝေဖန်စွာကို အများကြီး နားထောင်ဖို့ လိုပါရေ။ ဝေဖန်စွာ မကြားရကေတောင်၊ ကိုယ်လုပ်စွာကို အများ အမြင်ကို မညှာမတာ ဝေဖန်ခိုင်းသင့်ပါရေ။
ယူကေ (United Kingdom) က ကာတွန်းဆရာတိ နိုင်ငံ့ဂေါင်းဆောင်တိကို ဇာပိုင် မြင်လည်းဆိုစွာကို The Guardian သတင်းစာက အမြင် (Guardian Opinion cartoon) ဆိုရေ အပိုင်းမှာ အေပိုင် ထည့်ထားပါရေ။
ယူကေ ဝန်ကြီးချုပ် ထရီဆာ မေ (Theresa May) ဦးဆောင်ရေ အစိုးရ ဥရောပသမ္မဂက ခွဲထွက်စွာနန့် အလုပ်သမား ချော့ချစွာကို ကာတွန်းဆရာ အမြင်
ယူကေ ဝန်ကြီးချုပ် ထရီဆာ မေ (Theresa May) ဥရောပသမ္မဂက ခွဲထွက်ဖို့ ပြောရေစကားတိကို ကာတွန်းဆရာ အမြင်
ယူကေ ဝန်ကြီးချုပ် ထရီဆာ မေ (Theresa May) အိုင်ယာလန် နယ်စပ်နန့် ပတ်သတ်လို့၊ နောက်က ပံ့ပိုးပီးဖို့လို့ မလိမ့်တပတ် ပြောစွာကို ကာတွန်းဆရာ အမြင်
ဟီးသရိုးလေဆိပ် (Heathrow) တတိယမြောက် ဗြီးလမ်း လုပ်ဖို့စွာကို ကာတွန်းဆရာ အမြင်
ယူကေ ဝန်ကြီးချုပ် ထရီဆာ မေ (Theresa May) ဦးဆောင်ရေ ကတ်ဘိနတ် အစိုးရအဖွဲ့ကို ကာတွန်းဆရာ အမြင်
အိုင်ယာလန်နယ်စပ်နန့် ပတ်သတ်ပနာ ယူကေ ဝန်ကြီးချုပ်နန့် ဥရောပသမ္မဂ ခွဲထွက်ရေးအဖွဲ့၊ ကမောက်ကမ ဖြစ်စွာကို အမှိုက်သိမ်းသမား ယူကေ နိုင်ငံခြားရေးဝန်ကြီး ဘောရဲ့စ် (Boris) က ရှင်းထုတ်လိုက်တေလို့ ကာတွန်းဆရာ မြင်ပုံ
ဥရောပသမ္မဂက ခွဲထွက်ရေးသမားတိ အခက်အခဲ ဖြစ်နိန်စွာကို ကာတွန်းဆရာ အမြင်
တော်ဝင်မိသားစု မင်္ဂလာဆောင်ခါနီး၊ ယင်းပတ်ဝန်းကျင် လမ်းထက်က အိမ်မဲ့ယာမဲ့တိ ရှင်းထုတ်စွာကို ကာတွန်းဆရာ အမြင်
ဥရောပတေးခြင်းပြိုင်ပွဲ (Eurovision) ဝင်ဖို့ ကမောက်ကမ ဖြစ်စွာကို ကာတွန်းဆရာ အမြင်
ယူကေက နိုင်ငံ့ဂေါင်းဆောင်တိ၊ သူရို့ကို ရုပ်မျိုးသုံးထောင် ဆွဲပနာ၊ အေလောက်ထိ ဝေဖန်စွာကို တရားစွဲဆိုစွာမျိုး မရှိပါ။
အင်္ဂလိပ် စကားပုံ တခု ရှိပါရေ။ “Dignity is earned by oneself, not given by others.” အရိုအသေတန်အောင် လုပ်တေဆိုစွာ ကိုယ့်စွာကို လုပ်ယူရစွာမျိုး။ တခြားလူတိက ပီးလို့ ရစွာမျိုး မဟုတ်။” ပါလတ်။