အီရန်က ရနံစိမ်း မဝယ်ကဲ့လို့ အမေရီကန်အစိုးရ တားစွာကို အိန္ဒိယ လိုက်နာဖို့မဟုတ်

FILE PHOTO Iranian President Hassan Rouhani (L) and Indian Prime Minister Narendra Modi, New Delhi, India © Adnan Abidi / Reuters
FILE PHOTO Iranian President Hassan Rouhani (L) and Indian Prime Minister Narendra Modi, New Delhi, India © Adnan Abidi / Reuters

အိန္ဒိယနိုင်ငံက တဖက်သတ် စီးပွားရေးပိတ်ဆို့စွာတိကို အသိအမှတ် မပြုရေအတွက်နန့်၊ အီရန်နိုင်ငံက ရနံစိမ်းတိကို မဝယ်ကဲ့လို့ အမေရီကန်ပြည်ထောင်စုက တားစွာကို၊ လိုက်နာဖို့မဟုတ်လို့ အိန္ဒိယနိုင်ငံ ထိပ်တန်းရနံအရာရှိကြီးတယောက်က ပြောလားပါရေ။

ဗြီးခရေ အင်္ဂါနိမှာ၊ အမေရီကန်နိုင်ငံခြားရေးဝန်ကြီးဌာန အရာရှိကြီးတယောက်က၊ လာဖို့ နိုဗန်ဘာလက စပနာ၊ နိုင်ငံတိအားလုံး အီရန်နိုင်ငံက ရနံတင်သွင်းစွာကို ရပ်တန့်ကတ်ဖို့ တောင်းဆိုလိုက်ပါရေ။ အပေါင်းအပါတိကို ဖိအားပီးပနာ အီရန်နိုင်ငံ ဝင်ငွေဘဏ္ဍာကို ရပ်တန့်လားအောင်လို့ပါ။

“အိန္ဒိယနိုင်ငံက အေပိုင် တဖက်သတ် စီးပွားရေးပိတ်ဆို့စွာကို အသိအမှတ် မပြုပါ။ ကဗာ့ကုလသမ္မဂက စီးပွားရေးပိတ်ဆို့စွာကိုရာ လိုက်နာပါရေ။” လို့ အိန္ဒိယနိုင်ငံ ရနံဝန်ကြီးဌာန၊ နိုင်ငံတကာဆက်ဆံရေး တွဲဖက်အတွင်းရေးမှုးက စီအန်အန်မင်နီး(CNNMoney)ကို ပြောလားပါရေ။

အိန္ဒိယနိုင်ငံစွာ တရုတ်နိုင်ငံက လွဲကေ၊ အီရန်နိုင်ငံက ရနံအဝယ်ယူဆုံးနိုင်ငံပါ။ အိန္ဒိယနိုင်ငံ မှတ်တမ်းတိအရ အီရတ်နိုင်ငံနန့် ဆော်ဒီအာရေးဗီးယားနိုင်ငံတိ ဗြီးကေ၊ အီရန်နိုင်ငံစွာ အိန္ဒိယနိုင်ငံအတွက် တတိယ အများဆုံး ရနံတင်သွင်းနိန်ရရေ နိုင်ငံပါ။

“တရုတ်နိုင်ငံထက် ပိုဗြီးကေ၊ အမေရီကန်တိ တောင်းဆိုချက်ကို အိန္ဒိယနိုင်ငံက လိုက်နာဖို့ မမြင်။” လို့ ယူရေးရှား အုပ်စု(Eurasia Group) သုံးသပ်တေ လူတိက ဆိုပါရေ။ “အိန္ဒိယ ရနံချက်စက်ရုံတိက အီရန်နိုင်ငံက ရနံကို တင်သွင်းမြဲ တင်သွင်းလားပါလိမ့်မေ။”

ယင်းအုပ်စုက လက်ရှိမှာ အိန္ဒိယနိုင်ငံစွာ တရက်ကို ရနံစိမ်း ပီပါ ၇ သိန်းလောက်၊ အီရန်နိုင်ငံက ဝယ်နိန်ရေလို့ ခန့်မှန်းထားပါရေ။ အေပမာဏစွာ၊ အိန္ဒိယနိုင်ငံ စွမ်းအင်လိုအပ်ချက်ကို ဖြည့်ဆည်းပီးဖို့အတွက် အရေးကြီးရေပိုင်၊ ဗျူဟာမြောက် အထောက်အပံ့တခုလည်း ဖြစ်နိန်ပါရေ။

အဂုလည်း အိန္ဒိယနိုင်ငံနန့် အမေရီကန်ပြည်ထောင်စုစွာ၊ သွင်းကုန်ခွန်ကိစ္စနန့် အပြန်အလှန် တင်းမာနိန်ကတ်တုန်းပါ။

Leave a Reply

Please Login to comment
  Subscribe  
Notify of