အမေရီကန် – တရုတ် ကုန်သွယ်ရေးစစ်ပွဲ စဗျာလ်

© Thomas Peter / Reuters
© Thomas Peter / Reuters

အမေရီကန်ပြည်ထောင်စုက၊ တရုတ်နိုင်ငံ သွင်းကုန် အမေရီကန်ဒေါ်လာ ၃၅ ဘီလီယံဖိုးမှာ၊ သွင်းကုန်ခွန် ၂၅% ကောက်လိုက်လို့ နာရီပိုင်း အကြာမှာ၊ တရုတ်နိုင်ငံကလည်း အမေရီကန် သွင်းကုန်တိမှာ ညီမျှရေ သွင်းကုန်ခွန် ၂၅% ပြန်ကောက်လိုက်ပါရေ။

“အမေရီကန်ပြည်ထောင်စုက သွင်းကုန်ခွန်သစ်တိ ကောက်လိုက်တေအတွက်၊ တရုတ်နိုင်ငံကလည်း တန်ပြန် အခွန်ကောက်ဖို့ ချက်ချင်း ထုတ်ပြန်လိုက်ပါရေ။” လို့ တရုတ်နိုင်ငံ နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် လူ ကန်(Lu Kang)က ပြောလိုက်ပါရေ။ အမေရီကန်ပြည်ထောင်စုက ဇာသွင်းကုန်အမျိုးအစားတိကို၊ ဇာလောက် အခွန်ကောက်ဖို့ဆိုရေ အသေးစိတ်ကိုတော့ခါ မပြောလားပါ။

“ကဗာ့သမိုင်းမှာ အကြီးကျယ်ဆုံး ကုန်သွယ်ရေးစစ်ပွဲ စ,ဗျာလ်။ ပြန်တိုက်ဖို့က လွဲကေ၊ ရွီးချယ်စရာ မရှိ။” လို့လည်း တရုတ်ကုန်သွယ်ရေးဝန်ကြီးက အယင်တရက်က ပြောလားပါရေ။ ကဗာ့ကုန်သွယ်ရေးအဖွဲ့(World Trade Organisation (WTO)) စည်းမျည်းစည်းကမ်းတိကို အမေရီကန်ပြည်ထောင်စုက ချိုးဖောက်တေလို့လည်း တရုတ်နိုင်ငံက စွပ်စွဲလိုက်ပါရေ။

ညဇာက စ,ပနာ အမေရီကန်ပြည်ထောင်စုက၊ တရုတ်နိုင်ငံက သွင်းကုန် ၈၁၈ မျိုးကို၊ အမေရီကန်ဒေါ်လာ ၃၄ ဘီလီယံဖိုး၊ သွင်းကုန်ခွန် ၂၅% ကောက်လိုက်ပါဗျာလ်။

“တရုတ်နိုင်ငံက ပထမဆုံး စ,ပနာ မလုပ်ဖို့၊ ကတိပီးထားပါရေ။ ယကေလည်း အမျိုးသား အကျိုးစီးပွားနန့်၊ ပြည်သူတိ အကျိုးစီးပွားကို ကာကွယ်ဖို့ လိုလာတိုင်း၊ ရွီးချယ်စရာ မရှိကေ၊ တန်ပြန် တိုက်ခိုက်လားပါဖို့။” လို့ တရုတ်ကုန်သွယ်ရေးဝန်ကြီးက ပြောလားပါရေ။

Leave a Reply

Please Login to comment
  Subscribe  
Notify of