ငပျောသီး ပေါင်မှုန့် နန့် ငပျောသီး အိုက်ဆခြိမ်း ကိတ် လုပ်နည်း (ရုပ်သံ ၁ မိနစ် ၁၄ စက္ကန့်)

လုပ်ပုံလုပ်နည်း

၁) ငပျောသီး ၃ လုံးကို အမှုန်ချေ ဖြစ်လားအောင်ထိ ဇလုံထဲမှာ ထည့်ပနာ ခြေပလိုက်

၂) အရည်ဖော်ထားရေ ထောပတ် ခွက် ၄ ပုံ ၁ ပုံကို လောင်းထည့်

၃) ကြက်ဥ ၁ လုံးကို ဖောက်ထည့်

၄) သကြား ခွက် ၁ ဝက် ရောထည့်

၅) ဗနီလာ(Vanilla)(အနံ့အတွက်) ဇွန်းချေ ၁ ဇွန်းစာ လောင်းထည့်

၆) အားလုံးကို သမအောင်ထိ မွီပနာ ဂျုံမှုန့် ၁ ခွက်ခွဲ ရောထည့်

၇) မှုန့်ဖုတ်ဆိုဒါ(Baking Soda) ဇွန်းချေ ၁ ဇွန်း ထပ်ပေါင်းထည့်

၈) ဆား တမှုန့်ချေ ထည့်

၉) သမအောင်ထိ မွီပနာ၊ မုန့်ဖုတ်ခွက်ထဲမှာ ထည့်ဗျာလ်၊ အပူချိန် ၁၈၀ ဒီဂရီ ရှိရေ မီးဖိုထဲမှာ အချိန် မိနစ် ၅၀ ဖုတ်ပါ။ (သတိ – မီးနန့် တိုက်ရိုက် ဖုတ်လို့ မရပါ။ အပြင်က မီးပူပီးထားရေ၊ မြီအိုး၊ စဉ့်အိုးတိ ထဲမှာ ဖုတ်နိုင်ပါရေ။)

ကိုင်း မိနစ် ၅၀ ကြာကေ၊ ငပျောသီး ပေါင်မှုန့်ကို ရပါဗျာလ်။

အေပေါင်မှုန့်ကို အိုက်ဆခြိမ်းကိတ် ထပ်လုပ်ချင်ကေ –

၁) ပေါင်မှုန့်ကို အလျားလိုက် ၃ လွှာ လှီးလိုက်ပါ

၂) အောက်ဆုံးအလွှာကို မှုန့်ဖုတ်ခွက်ထဲမှာ အယင်ဆုံး ပြန်ထည့်ပနာ၊ အထက်မှာ ဗနီလာ အိုက်ဆခြိမ်း ၁ လွှာ တင်လိုက်ပါ

၃) ဒုတိယ ပေါင်မှုန့် အလွှာကို ဗနီလာ အိုက်ဆခြိမ်းထက်မှာ ပြန်တင်ပါ

၄) ယင်းပေါင်မှုန့်ထက်မှာ ချော့ကလတ် အိုက်ဆခြိမ်း ၁ လွှာ ထပ်တင်ပါ

၅) ချော့ကလတ် အိုက်ဆခြိမ်းထက်မှာ နောက်ဆုံး ပေါင်မှုန့် အလွှာကို ထပ်တင်ပါ

၆) ရခဲတိုက်တာထဲက အအီးခန်းထဲမှာ အအီးခံလိုက်ပါ

ငပျောသီး အိုက်ဆခြိမ်းကိတ်က စားဖို့ အဆင်သင့်ပါဗျာလ် …….

Leave a Reply

Please Login to comment
  Subscribe  
Notify of