အယင်လက အိန်ဒိုနီးရှားနိုင်ငံ ဆူလာဝီဆီကျွန်းမှာ လှုပ်လားရေ ငလျှင်၊ ဆူနာမီ သဘာဝဘေးအန္တရာယ်တိနန့် သီဆုံးလားရေ လူအရေအတွက် တစတစ မြင့်တက်လာပနာ၊ ၁,၇၆၃ ယောက်ကို ရောက်ရှိလာပါရေ။ ဒဏ်ရာရရေ လူအရေအတွက် ၂,၆၃၂ ယောက် ရှိခပနာ၊ လူပေါင်း ၅,၀၀၀ ကျော်က ပျောက်ဆုံးနိန်တုန်းပါ။
အရေးပေါ်ကယ်ဆယ်ရေး လုပ်ငန်းတိကို လာဖို့ ကြာသပဒီးနိမှာ ရပ်လားဖို့ဗျာလ်လို့၊ အမျိုးသား ဘေးအန္တရာယ် စီမံခန့်ခွဲရေးအဖွဲ့(National Board for Disaster Management)က ညဇာက ကြေငြာချက်တစောင် ထုတ်ပြန်လားပါရေ။
ပုလော(Palu)ကျွန်းနန့် အနားဝန်းကျင်ဒေသတိမှာ၊ ငလျှင်ဒဏ်နန့် မြေတိ ပျော့ကျလားပနာ အဆောက်အဉီး အများအပြား ပျက်ကျလားခရေအတွက်၊ လူသီအလောင်းတိကို အဆောက်အဉီးပျက်တိ အောက်က ဆွဲထုတ်နိန်ရတုန်းလို့လည်း သိရပါရေ။