အိမ်ခြံမြေစျီးကွက် ပေါက်ကွဲခါနီးလို့ နိုဗဲလ်စီးပွားရေးဆုရှင် သတိပီး

0
170
© Reuters / Tobias Schwarz
© Reuters / Tobias Schwarz

လက်ရှိ အိမ်ခြံမြေ ဝယ်လိုအား ကျဆင်းလာစွာရေ၊ လွန်ခရေ ဆယ်စုနှစ်က အိမ်ခြံမြေစျီးကွက်၊ လီလုံးပိုင် ဖောင်းပွလာပနာ၊ ပေါက်ထွက်လားစွာနန့် အနိန်အထားတူနိန်ဗျာလ်လို့၊ နာမေကြီး အိမ်ခြံမြေ လေ့လာရေးသမား၊ ရောဘာ့တ် ရှီလ်လာ (Robert Shiller)က သတိပီးလိုက်ပါရေ။

၂၀၀၇-၂၀၀၈ ကဗာ့ငွေကြေး ပဋိပက္ခကို ကြိုတင်ခန့်မှန်းခရေ၊ နိုဗဲလ်ဆုရ စီးပွားရေးပညာရှင်က ယာဟူး ငွေကြေး(Yahoo Finance)နန့် တွိဆုံစွာမှာ၊ လက်ရှိ အချက်အလက်တိက “အားနည်းလာနိန်ရေ လက္ခဏာ”ကို ပြသနိန်ဗျာလ်လို့ ဆိုပါရေ။

အိမ်ခြံမြေစျီးကွက် အတက်အကျ တပတ်လည်ဖို့စွာက၊ စတော့စျီးကွက် အတက်အကျထက် အများကြီး ပိုကြာရေလို့ ဆိုပါရေ။ “အိမ်ခြေမြေစျီးကွက်ကို၊ နောက်ကွယ်က ထိန်းထားရေ အစိတ်အပိုင်း ရှိပနာ၊ ယင်းအစိတ်အပိုင်းက လှုပ်လာနိန်ဗျာလ်။” လို့ ပြောလားပါရေ။

“အိမ်ခြံမြေတိ စျီး ကျဆင်းလားကေ၊ နောက်တခေါက် စီးပွားရေးကျကဒ် ဆိုက်ပါဖို့။ အိမ်ခြံမြေ စျီးကွက်စွာ၊ စီးပွားရေး လုပ်ငန်းတိအတွက်၊ အရေးကြီးရေ အစိတ်အပိုင်းတခုပါ။ လူတိက အိမ်ခြံမြေ စျီးကွက်ကို၊ မကောင်း မြင်ပနာ၊ မဝယ်ဘဲ နောက်ဆုတ်လားကတ်ဖို့ဆိုကေ၊ ဆောက်လုပ်ရေး လုပ်ငန်းတိမှာ အလုပ်အကိုင်တိ နည်းပါးလာပနာ၊ နောက်တခေါက် စီးပွားရေး ကျကဒ်ဆိုက်ဖို့ သန္ဓေပျိုးလာပါဖို့။” လို့ နိုဗဲလ်ဆုရှင်က ပြောလားပါရေ။ “ပပွင့်လလင်း ပြောရဖို့ဆိုကေ၊ နောက်တခေါက် စီးပွားရေး ကျကဒ်ဆိုက်ဖို့စွာတောင်၊ ဖြစ်သင့်ရေ အချိန်ထက် နောက်ကျနိန်ပါဗျာလ်။”

“ကျွန်တော့် လက်ထဲမှာ ရှိရေ၊ ၁၈၉၀ ခုနှစ်ကတည်းက စ,စုစည်းထားရေ အချက်အလက်တိအရ၊ အိမ်ခြံမြေ စျီးတိ ကျခရေ အချိန်တိုင်းမှာ၊ အမေရီကန်ပြည်ထောင်စု စျီးကွက်ကို အပြင်းထန်ဆုံး ထိခိုက်နစ်နာမှုတိ ဖြစ်ခပါရေ။”လို့ ယဲလ်(Yale)တက္ကသိုလ် စီးပွားရေး ပညာရှင်က ပြောလားပါရေ။ တချို့ နိန်ရာတိကို၊ ကြိုတင်ပနာ ချိန်ဆညှိလားဖို့ဆိုကေ၊ ကကောင်း မနစ်နာအောင် တားဆီးနိုင်ရေလို့လည်း ပြောလားပါရေ။

၂၀၀၈ ခုနှစ်မှာ ငွေကြေးပဋိပက္ခဖြစ်ဖို့အတွက်၊ ၂၀၀၀ ခုနှစ် နှစ်လယ်လောက်ကပင်၊ အခြေခံသဘောတရားတိက အစပျိုးခပါရေ။

Leave a Reply

Please Login to comment
  Subscribe  
Notify of