အမေရီကန်လုပ်ကို လူတိ ဖေသာအများကြီး ပိုပီးပနာ အားဓမ္မဝယ်ခိုင်း

0
2141
© Pexels
© Pexels

တရုတ် – အမေရီကန်ပြည်ထောင်စု ကုန်သွယ်ရေးစစ်ပွဲမှာ၊ တရုတ် သွင်းကုန်ပစ္စည်းတိကို အခွန် တိုးကောက်လိုက်လို့၊ တရုတ်ပစ္စည်းတိ စျီးပိုကြီးလာပနာ၊ အမေရီကန်ပြည်ထောင်စုထုတ် ပစ္စည်းတိနန့် စျီးတတူ ဖြစ်လာလို့၊ အမေရီကန်ထုတ် ပစ္စည်းတိကို ပိုဝယ်လာကတ်ကေလည်း၊ အဓိက နစ်နာရေ လူတိက၊ ဖေသာ ပိုပီးပနာ ဝယ်သုံးရရေ၊ အမေရီကန် စားသုံးသူတိရာ ဖြစ်တေလို့ ဆိုပါရေ။

အမေရီကန်ပြည်ထောင်စု သမ္မတ ဒိုနဲလ် ထရုန့် က၊ အမေရီကန်ပြည်ထောင်စုက ကုန်ပစ္စည်း ထုတ်လုပ်တေ လူတိကို၊ အဓိက ဦးတည်ပနာ ကူညီပီးနိန်ကေလည်း၊ အမေရီကန် စားသုံးရေ လူတိအတွက်၊ အခုလည်း ရွီးချယ်စရာ မရှိ ဖြစ်လာပနာ၊ ပိုဆိုးလားရေလို့၊ စျီးကွက်ကျွမ်းကျင်ရေ မာလစ်ဆာ အာမို(Melissa Armo)က အာရ်တီ ဘုမ်းဘာ့ဆ်(RT’s Boom Bust) အစီအစဉ်ကို ပြောပြလားပါရေ။

“လူတယောက် ဆတိုးဆိုင်ထဲကို စျီးလာဝယ်ကေ၊ ပစ္စည်းတခုကို အမေရီကန်လုပ်က ၂ ဒေါ်လာ၊ ယင်းပစ္စည်းကိုဗျာလ် တရုတ်လုပ်က ၁ ဒေါ်လာ ဆိုကေ၊ ဇာပစ္စည်းကို ဝယ်သင့်ရေ ဆိုစွာ လူတိမှာ ရွီးချယ်ပိုင်ခွင့် ရှိပါရေ။” လို့ အာမို က ပြောပြပါရေ။

“တရုတ်လုပ်နန့်၊ အမေရီကန်လုပ်၊ ပစ္စည်း ၂ ခုလုံးက စျီးတတူ ဖြစ်နိန်ဗျာလ်ဆိုကေ၊ လူတိ ကိုယ်နန့် ရင်းနှီးရေ နာမေကို၊ ပိုဝယ်ကတ်ဖို့စွာ ကျိန်းသေပါရေ။ ဆိုလိုချင်စွာက ယင်းဝယ်ရေ လူတိ၊ ဖေသာ ပိုပီးပနာ ဝယ်လိုက်ရစွာပါ။” လို့ အာမို က ဆက်ရှင်းပြလားပါရေ။