အေနိ အိန်ဒိုနီးရှားနိုင်ငံ ဆူမာတြာကမ်းခြီမှာ ပြင်းအား ၆.၁ ရှိရေ ငလျှင်စွာ မော်ရာ ဆီဘာရာ့(Muara Siberut)ကနိန် တောင်-အရှိတောင် ၁၆၆ ကီလိုမီတာ အကွာအဝီးမှာ ဗဟိုပြု လှုပ်လားရေလို့ ဆိုပါရေ။
Prelim M6.1 Earthquake Kepulauan Mentawai region, Indonesia Feb-02 09:27 UTC, updates https://t.co/k6zpUQQ824
— USGS Big Quakes (@USGSBigQuakes) February 2, 2019
အမေရီကန်ပြည်ထောင်စု ပထဝီဝင်အနိန်အထား တိုင်းတာရေးအဖွဲ့(United States Geographical Survey (USGS))က ငလျှင်စွာ ကဗာကြီး မျက်နှာပြင်ကနိန်၊ ၁၀ ကီလိုမီတာ အနက်မှာ ဖြစ်ခစွာလို့ ဆိုပါရေ။ အိန်ဒိုနီးရှား အစိုးရကတော့ခါ ပြင်းအား ၆ ရာ ရှိရေလို့ သတင်း ထုတ်ပြန်ပါရေ။
အိန်ဒိုနီးရှန်း ဆူနာမီ ကြိုတင်သတိပီးစနစ်(Indonesian Tsunami Early Warning System)ကတော့ ဆူနာမီရီလှိုင်းတိ မဖြစ်လာနိုင်လို့ ဆိုပါရေ။ ယကေလည်း နောက်ဆက်တွဲ ငလျှင်တိ လှုပ်လာနိုင်ရေလို့ သတိပီးထားပါရေ။
၂၀၀၄ ခုနှစ် အိန္ဒိယသမုဒ္ဒရာ ဆူနာမီမှာ၊ အိန်ဒိုနီးရှားနိုင်ငံမှာ လူပေါင်း ၁ သိန်း ၂ သောင်း သီလားဖူးပါရေ။