သုံးရေ လူတိ သဘောမတူဘဲ၊ သလျှိုလုပ်နိန်စွာကို ရပ်ဖို့ ဖေ့ဆ်ဘုတ်ခ်ကို ဂျာမဏီ အမိန့်ပီး

© Reuters / Dado Ruvic / Illustration
© Reuters / Dado Ruvic / Illustration

စျီးကွက်လွှမ်းမိုးရေးအတွက်၊ ဖေ့ဆ်ဘုတ်ခ် အပ်(ပ)နန့် တခြား အပ်(ပ)တိက တဆင့်၊ အသုံးပြုနိန်ရေ လူတိ အချက်အလက်တိကို၊ ပိုင်ရှင် မသိဘဲ၊ နှိုက်နိန်စွာကို ရပ်တန့်ဖို့အတွက်၊ ဖေ့ဆ်ဘုတ်ခ်ကို ဂျာမဏီ ယုံကြည်မှုထိန်းသိမ်းရေး အာဏာပိုင်အဖွဲ့က ပိတ်ပင်လိုက်ပါရေ။

ဂျာမဏီနိုင်ငံက စျီးကွက်ယှဉ်ပြိုင်မှုကို စောင့်ကြည့်ရေ ဘင်ဒတ်ခါတဲလ်လမ့်တ်(Bundeskartellamt)က အိန်ဆတာဂြမ်း(Instagram)၊ ဝှတ်ဆ်အပ်(ပ)(WhatsApp)နန့် သန်းချီရေ ဝပ်(ပ)ဆိုတ်တိကတဆင့်၊ “ကြိုက်တေ”(like)နန့် “မျှဝီမေ”(share)ဆိုရေ သင်္ကေတိကို သုံးပနာ၊ သုံးစွဲရေ လူတိ အချက်အလက်တိကို နှိုက်နိန်စွာကို ရပ်တန့်ဖို့အတွက် ဖေ့ဆ်ဘုတ်ခ်ကို ပိတ်ပင်လိုက်ပါရေ။

ညဇာက လုပ်တေ သတင်းစာ ရှင်းလင်းပွဲမှာ ဘင်ဒတ်ခါတဲလ်လမ့် ဥက္ကဌ အန်ဒြီယာ့ဆ် မင့်ဒ်တ်(Andreas Mundt)က “အနာဂတ်မှာ ဖေ့ဆ်ဘုတ်ခ်က သတင်းရယူဖို့အတွက်၊ အသုံးပြုရေ လူတိကို၊ အတင်းအားဓမ္မ သဘောတူခိုင်းစွာတိကို လုံးဝ ခွင့်ပြုဖို့ မဟုတ်ဗျာလ်။” လို့ ပြောလားပါရေ။

“ဖေ့ဆ်ဘုတ်ခ် သုံးနိန်ရေ လူ ၉၅% အတွက်၊ တခြား သုံးစရာ လူမှုကွန်ယက် မရှိဆိုစွာကို ယင်းသူရို့ သိထားရေ။ ယင်းအတွက်နန့် ဖေ့ဆ်ဘုတ်ခ် သုံးနိန်ရေ လူတိကို၊ အချက်အလက် ယူဖို့စွာကို အားဓမ္မ သဘောတူခိုင်းရေ။ အေအချက်အလက်တိနန့် စျီးကွက်ကို လွှမ်းမိုးဖို့ ကြိုးစားရေ။ ယင်းအတွက်နန့် အေသဘောတူစွာတိကို စိတ်ပါလက်ရ သဘောတူစွာတိလို့ ပြောလို့ မရ။”

အေဟင့်စွာ ဖေ့ဆ်ဘုတ်ခ်က အသုံးပြုနိန်ရေ လူတိဘားက အချက်အလက်တိ ရယူနိန်စွာကို ပထမဆုံးအကြိမ် ဥပဒေအရ တားမြစ်စွာ ဖြစ်ပါရေ။

ဖေ့ဆ်ဘုတ်ခ်က ၁ လအတွင်း အယူခံဝင်နိုင်ပနာ၊ ၄ လအတွင်း ဖြေရှင်းချက် ပီးရဖို့လို့၊ ဘင်ဒတ်ခါတဲလ်လမ့်တ် က ပြောလားပါရေ။

Leave a Reply

Please Login to comment
  Subscribe  
Notify of