ဆရီ လန်ကန်မြို့တော်မှာ ၈ လုံးမြောက် ဗုံး ပေါက်ပြန်

© Reuters / Dinuka Liyanawatte
© Reuters / Dinuka Liyanawatte

ဆရီ လန်ကန်နိုင်ငံက အကြီးဆုံးနန့်၊ စီးပွားရေးမြို့တော် ကိုလင်ဘို(Colombo)မှာ ၈ လုံးမြောက် ဗုံးပေါက်ပြန်ရေလို့ သိရပါရေ။ ခရဲ့ဆ်ချန် ဘုရားဝတ်ပြုကျောင်းတိနန့် ကြယ် ၅ ပွင့်အဆင့် ဟိုတဲလ်ကြီးတိမှာ အယင် ဗုံး ၇ လုံး ပေါက်လို့ လူ ၁၆၀ လောက် သီပနာ၊ လူ ၄၀၀ ကျော် ဒဏ်ရာ ရလားပါဗျာလ်။

ဆရီ လန်ကန် ရဲဌာနကို ကိုးကားပနာ၊ ၈ လုံးမြောက် ဗုံးပေါက်ကွဲရေလို့ အေအပ်ဖ်ပီ(AFP) သတင်းမှာ ဖော်ပြထားပါရေ။ သီဆုံး၊ ဒဏ်ရာရ အသေးစိတ် စရင်းကို မသိရသိမ့်ပါ။

အေပိုင် စနစ်တကျ ဗုံးဖောက်ခွဲစွာကို ဇာအုပ်စုက လုပ်တေလို့ မသိရသိမ့်ပါ။ ဆရီ လန်ကန် ကာကွယ်ရေးဝန်ကြီးဌာနက ညဉ့်မထွက်ရ ကာဖြူးကို ညဇာ ၃ နာရီမှာ ထုတ်ပြန်လိုက်ပါရေ။ ကာဖြူးအရ ညဇာ ၆ နာရီက၊ မိုးသောက် ၆ နာရီထိ အိမ်အပြင်ကို မထွက်ရပါ။

Leave a Reply

Please Login to comment
  Subscribe  
Notify of