တရုတ်မှာ ကိုရိုနာဗိုင်းရာ့ဆ်နန့် သီရေလူ ၈၀ ထိ ခုန်တက်လာ

Members of the medical staff work at the Central Hospital in Wuhan, China. © Central Hospital of Wuhan via Sputnik
Members of the medical staff work at the Central Hospital in Wuhan, China. © Central Hospital of Wuhan via Sputnik

တရုတ်နိုင်ငံမှာ ကိုရိုနာဗိုင်းရာ့ဆ်(2019-nCoV) ကူးစက်ခံရလို့ သီရေလူ ၈၀ ထိ ချက်ချင်း ခုန်တက်လာပနာ၊ ကူးစက်ခံနိန်ရရေ လူအရေအတွက်လည်း ၂၅၀၀ လောက်ထိ ရှိလာပါရေ။ အမေရီကန်ပြည်ထောင်စုမှာလည်း ကူးစက်ခံရရေ လူ ၅ ယောက်ထိ ရှိလာပါရေ။

အေဗိုင်းရာ့ဆ်က ကူးစက်ခံထားရရေ လူမှာ ရောဂါလက္ခဏာ မပြခင်ကပင်၊ ယင်းလူကတဆင့် အခြားလူတိကို ထပ်ဆင့် ကူးစက်နိုင်ရေလို့ ဆိုပါရေ။

အမေရီကန်ပြည်ထောင်စုမှာ ကူးစက်ခံနိန်ရရေ လူ ၅ ယောက်လုံးစွာ၊ တရုတ်နိုင်ငံမှာ ဗိုင်းရာ့ဆ် စပနာ ပြန့်ပွားရေ ဝူဟန်းမြို့က ပြန်လာကတ်တေ လူတိလို့ ဆိုပါရေ။ လက်ရှိထိ ယင်း ၅ ယောက်လုံး ဆီးကုသမှုခံယူနိန်ရပနာ၊ တည်တည်ငြိမ်ငြိမ် ရှိနိန်ကတ်တေလို့ ဆိုပါရေ။

လောလောဆယ်ထိ ကိုရိုနာဗိုင်းရာ့ဆ်ကို ထိန်းချုပ်နိုင်ရေ ဆီးလို့ တိတိကျကျ မရှိသိမ့်ပါ။ အေဗိုင်းရာ့ဆ်က ၂၀၀၂ – ၂၀၀၃ ခုနှစ်မှာ တရုတ်နိုင်ငံနန့် ဟောင်ကောင်မှာ လူအများကြီး သီခရရေ အပြင်းစား အသက်ရှူလမ်းကြောင်းကျဉ်းရောဂါ ဆားဆ်(SARS (Severe Acute Respiratory Syndrome)) ဗိုင်းရာ့ဆ်နန့် ဆင်တူရေလို့ ဆိုပါရေ။ တရိစ္ဆာန်ဘားက တဆင့် ကူးစက်လာရေလို့ ယူဆထားကတ်ကေလည်း၊ ဇာတရိစ္ဆာန်လည်းဆိုစွာ အဂုထိ တိတိကျကျ မသိရသိမ့်ပါ။