ကိုရိုနာဗိုင်းရာ့ဆ် ၁,၆၆၉ သီပနာ ၆၉,၂၆၇ ကို ကူးစက်

0
1051
People wearing protective masks walk towards Merlion Park in Singapore on February 12. Maverick Asio/SOPA Images/LightRocket/Getty Images
SINGAPORE - 2020/02/12: People wearing protective surgical masks towards the Merlion Park, a major tourist attraction in Singapore. Singapore declared the Coronavirus outbreak alert as Code Orange on February 7, 2020. (Photo by Maverick Asio/SOPA Images/LightRocket via Getty Images)

တရုတ်နိုင်ငံ ပြည်မကြီး(mainland China) အပြင်ဖက်မှာ သီရေ ၄ ယောက်အပါအဝင်၊ အဂုအခါ ကဗာတဝှမ်းမှာ ကိုရိုနာဗိုင်းရာ့ဆ်နန့် သီရေ လူပေါင်း ၁,၆၆၉ ယောက်ကို တက်လာပါရေ။ ကဗာတဝှမ်းမှာ ကူးစက်ခံရရေ လူပေါင်းလည်း ၆၉,၂၆၇ ယောက်ကို မြင့်တက်လာပါရေ။

ဂျပန်နိုင်ငံ ယိုကိုဟားမားကမ်းခြေမှာ ကပ်ထားရေ စိန်မင်းသမီး ဇိမ်ခံသင်္ဘောထက်မှာ နောက်ထပ် အယောက် ၇၀ ထပ်ပနာ ကူးစက်ခံရရေအတွက်၊ အဂုဆိုကေ ယင်းသင်္ဘောတစီးတည်းမှာ ကိုရိုနာဗိုင်းရာ့ဆ် အကူးခံရရေ လူပေါင်း ၃၅၆ ယောက် ရှိလားပါဗျာလ်။ သင်္ဘောထက်က အမေရီကန်ခရီးသယ်တိကို ပြန်ခေါ်ပနာ၊ လေယာဉ်ပျံ ၂ စီး ဂျပန်နိုင်ငံကနိန် အမေရီကန်ပြည်ထောင်စုကို ထွက်ခွာလားပါဗျာလ်။ သင်္ဘောထက်မှာ မဟုတ်ဘဲ၊ ဂျပန်နိုင်ငံထဲမှာ အေနိ နောက်ထပ် ၆ ယောက် အကူးခံရရေအတွက်၊ အဂုဆိုကေ ဂျပန်နိုင်ငံထဲမှာ အကူးခံရရေ လူ ၅၆ ယောက် ရှိလားပါဗျာလ်။

အေနိ ဆိန်ဂါပေါ်နိုင်ငံ(Singapore)မှာ နောက်ထပ် ၃ ယောက် အကူးခံရရေအတွက်၊ အဂုဆိုကေ ဆိန်ဂါပေါ်နိုင်ငံမှာ ကိုရိုနာဗိုင်းရာ့ဆ် အကူးခံရရေ လူပေါင်း ၇၅ ယောက် ရှိလားပါဗျာလ်။ လူနာ ၁၉ ယောက် လုံးဝ ကောင်းလားလို့၊ ဆေးရုံက ဆင်းလားဗျာလ်လို့လည်း ဆိုပါရေ။

ကိုရိုနာဗိုင်းရာ့ဆ်ကို အကောင်းဆုံး ကာကွယ်နိုင်ရေ နည်းလမ်းတိက လက်ကို သဗုန်နန့် စက္ကန့် ၂၀ ကြာဇီ၊ အချိန်ရတိုင်း ဆီးပီးပါ။ နိန်မကောင်းပိုင်တွိလို့၊ နှာချီ၊ ခြောင်းဆိုးရေအခါတိုင်း၊ ပဇနန့် နခေါင်းကို ကာထားပါ။ ယကေလည်း လက်နန့် မကာပါကဲ့။ တန်းဒေါင် (ဝါ) သုံးဗြီးစွာနန့် ချက်ချင်း ဝေးပလိုက်နိုင်ရေ တဲ့ရှူးနန့်ရာ ကာပါ။ ရောဂါပိုးရှိရေ လူနန့် အနည်းဆုံး ၃ ပေ အကွာမှာ နိန်ပါ။ ကိုရိုနာဗိုင်းရာ့ဆ်ကို သတ်နိုင်ရေ ဆီး မရှိသိမ့်ပါ။ ကိုယ်ခံအားကောင်းပနာ ယင်းဗိုင်းရာ့ဆ် ပြန်ပျောက်လားစွာလောက်ရာ ရှိပါသိမ့်ရေ။

အေနိ တကဗာလုံးမှာ ကိုရိုနာဗိုင်းရာ့ဆ် အကူးခံရရေ လူပမာဏကို အောက်က ပုံမှာ တွိနိုင်ပါရေ။