ကိုယ့်လိုင်စောင်းနိန်စွာကို ဇာပိုင် ပြင်ဖို့လဲ

နိတိုင်းနိတိုင်း မိုးသောက်ကပင် နီတဝင်ထိ၊ ကင်ပျူတာနန့် ဖြစ်ဖြစ်၊ ဖုန်းနန့် ဖြစ်ဖြစ် အလုပ်များနိန်ကတ်တေ လူတိ၊ ကိုယ့်လိုင် အနိန်အထားကို သတိထားဖို့ လိုပါရေ။ ကိုယ့်စွာကို သတိမထားမိကေ၊ လဒငှက်တိပိုင် ဂေါင်း ရှိကို ငိုက်စိုက်ကျလားရေ အနိန်အထား ရောက်လားနိုင်ပါရေ။ ယင်းကိုယ်ဟန်အနိန်အထားကို အင်္ဂလိပ်တိမှာ “Text Neck” (ဝါ) “စာရိုက်တေ လိုင်” လို့ ခေါ်ကတ်ပါရေ။

စာရိုက်တေ လိုင် ဇာဖြစ်လို့ ဖြစ်ရလေ?

လူတယောက်ဂေါင်းစွာ ခန္ဓာကိုယ်ထက်မှာ တတည့်မမတ် ရှိနိန်ရေအချိန်၊ ယေဘုယျ အလီးချိန် ၅ ကီလိုဂရမ် လောက် ရှိပါရေ။ ယကေလည်း ခန္ဓာကိုယ်ကနိန် ဂေါင်း ရှိကို ငိုက်ကျလီ၊ အလီးချိန် ပိုများလာလီပါ။ ရှိကိုရာ ကကောင်းကြီး ငိုက်ကျနိန်ဖို့ဆိုကေ ၂၂ ကီလိုဂရမ် လောက်ထိ လီးလားနိုင်ပါရေ။

ကြာလာကေ လိုင်ဆစ်တိနန့် နောက်ကုန်းရိုးတိမှာ ဒဏ်ဖြစ်လားတတ်ပါရေ။ တချို့ ပြင်းပြင်းထန်ထန် ဒဏ်ရလားရေ လူတိမှာ၊ နောက်ကုန်းရိုးတိအကြားမှာ ရှိရေ၊ အရိုးချပ်ပြားချေ(Spinal disk) ပုံမှန်အနိန်အထားကနိန် ပျက်လားနိုင်ပါရေ။

ကိုယ့်မှာ စာရိုက်လိုင် ဖြစ်နိန် မဖြစ်နိန် ဇာပိုင် စစ်ကြည့်ဖို့လဲ?

• ပက်ခုံးတိ လုံးနိန်လာ? အထက်ကို မြင့်တက်နိန်လာ?
• လိုင် ရှည်နိန်လာ? ဂေါင်း ရှိကို ငိုက်ကျနိန်လာ?
• ခါး အလည်မှာ ကွေးနိန်လာ?
• လိုင်၊ ပက်ခုံး၊ နောက်ကုန်း အထက်ပိုင်း ကိုက်ခဲနိန်တတ်လာ?
• ခန္ဓာကိုယ်အထက်ပိုင်း လှည့်မရ၊ ပြုမရ တင်းပနာ ဖြစ်နိန်တတ်လာ?

အထက်က အချက်တိ တခုခု ဖြစ်နိန်ပါလာ? မစိုးရိမ်လားပါကဲ့။ အလွယ်တကူ ပြန်တည့်နိုင်ရေ ရရိုးရှရှင်း နည်းလမ်းတိကို ပြောပြပါမေ။

၁) ကိုယ်ဟန်အနိန်အထားကို ဂရုစိုက်ပနာ နိန်ပါ

၂) အကောင်းဆုံး ကိုယ်ဟန်အနိန်အထားကို ရှာပါ

၃) လိုင်ကို ဆွဲဆန့်ပနာ လေ့ကျင့်ခန်း ပုံမှန် လုပ်ပီးပါ

ပုံမှန် လုပ်လားကေ ခန္ဓာကိုယ်အနိန်အထား တတည့်မမတ် ပြန်ဖြစ်လားပါလိမ့်မေ။

မူရင်း – Samsung Health က A few tips to save your neck ကို ဆီလျှော်အောင် ဘာသာပြန်ထားပါရေ။