ကိုရိုနာဗိုင်းရာ့ဆ် ၁,၈၇၃ သီရေထဲ ဝူဟန်းဆေးရုံအုပ်ကြီး ပါ

0
1052
A medical worker drives an ambulance before disinfecting it at Jinyintan hospital in Wuhan © China Daily via REUTERS
A medical worker drives an ambulance before disinfecting it at Jinyintan hospital in Wuhan © China Daily via REUTERS

“အားလုံးထွက် တိုက်ကတ်မေ” ဆိုရေ စိတ်ဓါတ်နန့်၊ တရုတ်နိုင်ငံမှာ ရှိရေ ကျန်းမာရေးဝန်ထမ်း အထက်အောက်မကျန် ကိုရိုနာဗိုင်းရာ့ဆ်ကို ဝိုင်းဝန်းတိုက်နိန်ကတ်ကေလည်း၊ အဂုထိ မအောင်မြင်နိုင်သိမ့်ဘဲ၊ သီရေ အရေအတွက်က တဇတဇ မြင့်တက်လာနိန်ပါသိမ့်ရေ။ ယင်းအထဲမှာ ကိုရိုနာဗိုင်းရာ့ဆ် မူလဇတ်မြစ် ဝူဟန်းမြို့က ဆေးရုံ ညွှန်ကြားရေးမှုး လျူ ဇီမိန်း(Liu Zhiming)လည်း ညဇာက ပါလားရေလို့ တရုတ်အစိုးရအသံလွှင့်ဌာန စီစီတီဗွီ(CCTV)က ကြေငြာလားပါရေ။

Liu Zhiming, president of Wuhan's Wuchang Hospital, died at the age of 51 from the novel coronavirus pneumonia on Tuesday. CCTV
Liu Zhiming, president of Wuhan’s Wuchang Hospital, died at the age of 51 from the novel coronavirus pneumonia on Tuesday. CCTV

တရုတ်နိုင်ငံမှာ ကိုရိုနာဗိုင်းရာ့ဆ်ကို တိုက်ယင်း သီလားရေ ကျန်းမာရေးဝန်ထမ်းတိကို “သူရဲကောင်းတိ”(martyrs)လို့ သတ်မှတ်ထားပါရေ။ တရုတ်နိုင်ငံထဲမှာ ကိုရိုနာဗိုင်းရာ့ဆ်နန့် ကျန်းမာရေးဝန်ထမ်း အနည်းဆုံး ၆ ယောက် သီပနာ၊ ၁,၇၁၆ ယောက် ကူးစက်ခံထားရရေလို့ တရုတ်အစိုးရအရာရှိတိကို ကိုးကားပနာ အေအပ်ဖ်ပီ(AFP) သတင်းဌာနက ဖော်ပြထားပါရေ။

အဂု ကိုရိုနာဗိုင်းရာ့ဆ်နန့် သီရေ လူ အရေအတွက် ၁,၈၇၃ ယောက်ကို တက်လာပါရေ။ တကဗာလုံးမှာ ကိုရိုနာဗိုင်းရာ့ဆ် အကူးခံရရေ လူပေါင်းလည်း ၇၃,၃၂၅ ယောက်ထိ တိုးလာပါရေ။