WHO တိုက်ရိုက် သတိပီး WhatsApp ကို အေက ဆက်သွယ်ပါ

ကိုရိုနာဗိုင်းရာ့ဆ် သတင်းအချက်အလက်တိကို ကဗာ့လူသား သန်းထောင်ချီပနာထိ အသိပီးနိုင်အောင်၊ ကဗာ့ကျန်းမာရေးအဖွဲ့ ဒဗြူအိပ်ချ်အို(WHO)က WhatsApp ၊ Facebook ရို့နန့် ပူးပေါင်းပနာ၊ အေနိ သတင်းတို ဝန်ဆောင်မှုစနစ်ကို စတင်လိုက်ပါရေ။

အေသတင်းတိုစနစ်က၊ နောက်ဆုံး သတင်းအချက်အလက်တိကို၊ လူပေါင်း သန်း ၂ ထောင်ထိ အချိန်နန့် တပြေးညီ ပို့ပီးလားပါဖို့။

နောက်ဆုံး ကိုရိုနာဗိုင်းရာ့ဆ် သတင်းတိုတိကို အစိုးရတိ၊ ကျန်းမာရေးဝန်ထမ်းတိ၊ မိသားစုတိ၊ သငယ်ချင်းတိ အားလုံးသူ၊ အေကနိန် ရယူနိုင်ပါရေ။ အေအထဲမှာ ရောဂါလက္ခဏာတိ၊ ကူးစက်ပြန့်ပွားပုံတိ၊ ကာကွယ်ရဖို့ပုံစံတိ၊ နောက်ဆုံး အခြေအနေတိ၊ သတင်းတိ အားလုံး ပါလာပါဖို့။

WhatsApp ရှိရေ လူတိ၊ အေနောက်က ပုံချေကို ကို နှိပ်လိုက်ကေ WhatsApp ထဲမှာ ပြောနိန်ကတ်တေ အကြောင်းအရာတိထဲကို ရောက်လားပါလိမ့်မေ။

hi လို့ ရိုက်လိုက်စွာနန့် WhatsApp ထဲမှာ WHO နန့် ပြောနိန်ကတ်တေ အကြောင်းအရာတိထဲကို တိုက်ရိုက် ဆက်သွယ်လားပနာ၊ ယင်းကနိန် ကိုဗဲ့-၁၉(COVID-19) နန့် ပတ်သတ်တေ မေးခွန်းတိကို ကိုယ့်စွာကို လားရှာနိုင်ပါရေ။

၁။ နောက်ဆုံး ကိန်းဂဏန်းတိကို သိချင်ကေ 1 လို့ ရိုက်လိုက်ပါ။
၂။ ကိုယ့်စွာကိုယ် ဇာပိုင်ကာကွယ်ရဖို့လဲ သိချင်ကေ 2 လို့ ရိုက်လိုက်ပါ။
၃။ မေးခွန်းတိ အမေးအဖြေ လုပ်ထားစွာတိ သိချင်ကေ 3 လို့ ရိုက်လိုက်ပါ။
၄။ ကြားသိထားစွာတိ ဟုတ်မဟုတ် သိချင်ကေ 4 လို့ ရိုက်လိုက်ပါ။
၅။ ခရီးလား လမ်းညွှန်ကို သိချင်ကေ 5 လို့ ရိုက်လိုက်ပါ။
၆။ သတင်းနန့် ထုတ်ပြန်ချက်တိ သိချင်ကေ 6 လို့ ရိုက်လိုက်ပါ။
၇။ တခြားလူတိကို ဝီမျှချင်ကေ 7 လို့ ရိုက်လိုက်ပါ။
၈။ ဖေသာ လှူချင်ကေ 8 လို့ ရိုက်လိုက်ပါ။

အေသတင်းတိုပို့စနစ်ကို ကဗာ့ကျန်းမာရေးအဖွဲ့ ဒဗြူအိပ်ချ်အို နန့် Praekelt.Org ရို့ ပူးပေါင်း လုပ်ဆောင်ထားပနာ Turn စက်သင်နည်းပညာကို သုံးထားရေလို့ ဆိုပါရေ။

WhatsApp မရှိသိမ့်ရေ လူတိ၊ အေနောက်က ပုံကို နှိပ်ပနာ WhatsApp ကို အယင် ယူကတ်ပါ။