သြစတြီးယားနိုင်ငံ ကွိန်းဆ်လန်းဒ်ပြည်နယ်မှာရာ တွိရတတ်တေ ကြွက်နန့် ဆဆင်တူရေ ပဒုန်းမဲ အန်တီချီနာ့ဆ် (antechinus) တမျိုးနန့်၊ ငွေရောင်ဂေါင်း ရှိရေ အန်တီချီနာ့ဆ် တမျိုးကို မာရသွန်ပြိုင်ရေပိုင် နာရီအကြာကြီး လိင်ဆက်ဆံပနာ အသက်သီလားတတ်တေအတွက် မျိုးတုန်းစွာက ကာကွယ်ရဖို့ စရင်းထဲမှာ ထည့်လိုက်ရပါရေ။
ယင်းအကောင်ချေတိစွာ တခါ လိင်ဆက်ဆံကေ ၁၄ နာရီလောက်ထိ ကြာတတ်ပါရေ။ ယင်းပိုင် အကြာကြီး ချစ်ဗြီးကေတော့ခါ ကကောင်း အညောင်းမိပနာ၊ အထီးကောင်ချေတိ သီလားတတ်ပါရေ။ အမတိကတော့ခါ ၁ နှစ်ကို ၂ ပတ်လောက် မိတ်လိုက်တတ်ဗြီးကေ အသက် ၂ နှစ်လောက်ထိ ရှည်တတ်ကတ်ပါရေ။ အထီး ၅၀% ကျော်ကတော့ခါ တကြိမ် လိင်ဆက်ဆံဗြီးစွာနန့် သီလားတတ်ကတ်ပါရေ။
အေကောင်ချေတိကို ကွိန်းဆ်လန်းဒ်ပြည်နယ်ထဲက နိန်ရာ ၃ ခုလောက်မှာရာ တွိရပနာ၊ အရေအတွက်က ရာဂဏန်းလောက်ရာ ရှိရေအတွက် မျိုးတုန်းလားဖို့စွာကို စိုးရိမ်နိန်ရရေလို့ဆိုပါရေ။
