Ovulation

အရွယ်ရောက်တေ မမက်တိုင်း နောက်ရာသီလာဖို့ နိရက်တိနန့်၊ ကိုယ်ဝန်ရနိုင်ရေ နိရက်တိ၊ ကိုယ်ဝန်မရနိုင်ရေ နိရက်တိကို အောက်မှာ တွက်ကြည့်နိုင်ပါရေ။

နောက်ဆုံး ရာသီလာရေခါ၊ ပထမဆုံး သွီးစ,စတွိရေ နိရက်နန့်၊ တကြိမ်နန့်တကြိမ် ရာသီပထမဆုံးစလာရေနိရက်တိ ရက်အပိုင်းအခြားကို တိတိကျကျ ထည့်ပီးပါ။ မမှတ်မိကေ၊ နောက်ဆိုကေ ပထမဆုံးစလာရေနိရက်ကို အတိအကျ မှတ်ထားပါ။

ရာသီလာဖို့ နိရက်တိ (အနီရောင်)၊ ကိုယ်ဝန်ရနိုင်ရေ နိရက်တိ (အစိမ်းရောင်)၊ ကိုယ်ဝန်မရနိုင်ရေ နိရက်တိ (အပြာရောင်)

ဓမ္မတာ၊ ကိုယ်ဝန် ရ၊ မရ နိရက်တိကို အေမှာ တွက်ကြည့်ပါ

နောက်ဆုံးအခေါက် ဓမ္မတာ စလာရေ နိရက်

ဓမ္မတာ တကြိမ်နန့် တကြိမ် ခြားရေ ရက်ပေါင်း (ဥပမာ ၂၈ ရက်)

တွက်နည်း – အရွယ်ရောက်တေ မမက်တိုင်း လတိုင်းနီးပါး ဥ,ဥပါရေ။ ငယ်လို့ မမြင်ရစွာပါ။ ယင်းဥကြွီကျရေနိကို မျိုးဥကြွီရေနိလို့ အထက်မှာ တွက်ပြထားပါရေ။ မျိုးဥကြွီကျရေနိကို ဓမ္မတာလာစွာနန့် မမှားပါကဲ့။ ဓမ္မတာလာရေဆိုစွာ၊ မျိုးမအောင်ရေ ဥကို ဆီးချပလိုက်စွာပါ။

မျိုးဥစွာ ဓမ္မတာ ၂ ကြိမ်ကြားမှာ စလာရေနိတိကြားက အလယ်တည့်တည့် နိပါ။ ပုံမှန် ဓမ္မတာ စလာရေနိတိက ၂၈ ရက်ခြားကေ၊ မျိုးဥကြွီရေ နိစွာ၊ ဓမ္မတာစလာရေနိက ၁၄ ရက်မြောက်နိပါ။ ၃၂ ရက်ရာ ခြားကေ၊ ဓမ္မတာစလာရေနိက ၁၆ ရက်မြောက်နိပါ။

မမက်တိမျိုးဥစွာ မျိုးမအောင်ခကေ ၂၄ နာရီရာ အသက်ရှင်ရေအတွက်နန့် ကိုယ်ဝန်ရဖို့အတွက် ၂၄ နာရီအတွင်းမှာ မျိုးအောင်,အောင် လုပ်ဖို့လိုပါရေ။ တခုရှိစွာက ယောကျ်ားတိ မျိုးရည်ထဲက ပိုးတိစွာ မမက်သားအိမ်ထဲမှာ ၅ ရက်ထိ အသက်ရှင်နိုင်ရေအတွက်နန့်၊ ယောကျ်ားမျိုးရည်စွာ မျိုးဥ မကြွီခင် ၅ ရက်လောက် မမက်သားအိမ်ထဲမှာ ကြိုရောက်နိန်ကေလည်း ကိုယ်ဝန်ရနိုင်ပါရေ။

ကိုယ်ဝန်ရနိုင်ရေ နိတိကို တွက်ကြည့်ချင်ကေ၊ ဓမ္မတာစ,လာရေ နိရက် ၂ ခုကြားက အလယ်တည့်တည့် မျိုးဥကြွီဖို့ နိရက်ကို အယင်တွက်ပါ။ ယင်းနိကနိန် ရှိဖက် ၄ ရက်နန့်၊ နောက်ဖက် ၁ ရက်စွာ ကိုယ်ဝန်ရနိုင်ရေ နိရက်တိပါ။ ဥပမာ – ၂၈ ရက်ခြား ဓမ္မတာလာရေ ကလိမ့်မေ တယောက်အတွက်၊ မျိုးဥကြွီရေ နိရက်က၊ ဓမ္မတာစလာဗြီးကေ ၁၄ ရက်မြောက် နိရက်ပါ။ ယင်းနိက ၅ နုတ်၊ ၁ ပေါင်းဆိုရေအတွက်၊ ဓမ္မတာ စလာဗြီး ၉ ရက်နိကနိန်၊ ၁၅ ရက်နိ အထိ ကိုယ်ဝန်ရနိုင်ပါရေ။ ကိုယ်ဝန်မလိုချင်ကေတော့ ယင်းနိရက်တိမှာ တနည်းနည်းနန့် ယောကျ်ားမျိုးရည် မဝင်အောင် တားပါ။

ဓမ္မတာ ခြားရေနိရက်တိ ပုံမှန် မဖြစ်တတ်တေ လူတိကတော့ လိုလိုမေမေ ရက်ပိုတိ ထည့်ပနာ တွက်ပါ။