ဟီးသရိုးလေဆိပ် ဧပြဲလ်လမှာ ခရီးသယ် ၉၇% ကျလား

A passenger wears a mask as he arrives at Heathrow Airport. Photograph: Kirsty Wigglesworth/AP
A passenger wears a mask as he arrives at Heathrow Airport. Photograph: Kirsty Wigglesworth/AP

ကိုရိုနာဗိုင်းရာ့ဆ်နန့် ခရီးလားစွာတိကို ပိတ်ပင်ထားရေခါ၊ ဥရောပတိုက်က ခရီးသယ်အဝင်အထွက် အများဆုံး၊ လင်ဒင် ဟီးသရိုးလေဆိပ်စွာ ဧပြဲလ်လထဲမှာ ခရီးသယ်အဝင်အထွက် ၉၇% ထိ ထိုးကျလားရေလို့ ဆိုပါရေ။

အေနှစ် ပထမလေးလပတ် ဝင်ငွေစွာလည်း ၁၂.၇% (ပေါင် ၅၉၃ သန်း) ထိုးကျလားရေလို့ ရိုက်တာဆ်(Reuters) သတင်းဌာနက တင်ပြလားပါရေ။

ဟီးသရိုးလေဆိပ်မှာ ခရီးသယ်အဝင်အထွက်က၊ ဗြိတိသျှ်အစိုးရက ကိုရိုနာဗိုင်းရာ့ဆ်ကို တိုက်ဖျက်နိန်စွာ လားလာဖို့ လုံခြုံဗျာလ်လို့ ကြေငြာရေအချိန်ထိ၊ ကျဆင်းနိန်ဖို့သိမ့်လို့ မျှော်လင့်ထားပါရေ။ လေဆိပ် တာဝန်ခံတိက အရံငွေ ပေါင် ၃.၂ ဘီလီယံ ရှိနိန်ရေအတွက်၊ နောက် ၁၂ လ အထိ၊ ခရီးသယ် မရှိကေတောင် စိုးရိမ်စရာ မရှိလို့ ပြောလားပါရေ။

အေနိထိ ယူကေမှာ ကိုရိုနာဗိုင်းရာ့ဆ် ကူးစက်ခံရရေ လူပေါင်း ၁ သိန်း ၇ သောင်း ၁ ထောင် ကျော်၊ သီဆုံးရေ လူပေါင်း ၂ သောင်း ၆ ထောင် ၇ ရာ ကျော် ရှိလားပါဗျာလ်။ ၂၀၂၀ ခုနှစ် ဖေဘြူဝါရီလ ၁၅ ရက်နိမှာ ကိုရိုနာဗိုင်းရာ့ဆ် ပထမဆုံး လူနာကို တွိရပနာ၊ မာ့ချ်လ ၅ ရက်နိမှာ လူနာ ၁ ယောက် ပထမဆုံး သီဆုံးခပါရေ။