လွန်ခရေ ၁၀ နှစ်အတွင်း၊ ၂၈ နိုင်ငံနန့် ဖွဲ့စည်းထားရေ ဥရောပသမဂ္ဂ စီးပွားရေးမှာ ငွေသား ရင်းနှီးမြှပ်နှံမှု တအိအိ ကျဆင်းလာရေလို့ စရင်းဇယားကုမ္ပဏီ ယူရိုစတတ် (Eurostat) အစီရင်ခံစာမှာ တွိရပါရေ။
ပျမ်းမျှ ၂.၃% ကျဆင်းနိန်ပနာ၊ အယင်နှစ်က စုစုပေါင်း တိုင်းပြည်ထုတ်ကုန် (GDP) ၂၀.၁% ထိ ကျဆင်းလားရေလို့ ဆိုပါရေ။
၂၈ နိုင်ငံမှာ ၃ နိုင်ငံရာ ရင်းနှီးမြှပ်နှံမှု တစိချေ တက်နိန်ပါရေ။ ယင်းနိုင်ငံတိက ဆွီဒင် (Sweden) ၁% ၊ သြတြီးရီးယား (Austria) ၀.၆% နန့် ဂျာမဏီ (Germany) ၀.၂% ရို့ ဖြစ်ကတ်ပါရေ။
အယင်နှစ်က ဥရောပသမ္မဂနိုင်ငံ အားလုံးထဲမှာ ရင်းနှီးမြှပ်နှံမှု ယူရို ၃ ဘီလီယံ လောက် ရှိပနာ၊ ဆောက်လုပ်ရေးဂဏ္ဍမှာ တဝက်လောက် ရင်းနှီးမြှပ်နှံကတ်ပါရေ။ စက်မှုလုပ်ငန်း၊ ပစ္စည်းကရိယာထုတ်လုပ်ငန်း နန့် လက်နက်ထုတ် လုပ်ငန်းတိမှာ စုစုပေါင်း ၃၁% နန့် အသိဉာဏ်နန့်ဆိုင်ရေ ရင်းနှီးမြှပ်နှံမှုကတော့ ၁၉% ရှိပါရေ။
