ဗိုင်းရာ့ဆ်ကို မထိန်းနိုင်သိမ့်လို့ တရုတ်မှာ နှစ်သစ်ကူးပိတ်ရက်ကို နောက်ထပ် ၄ ရက်တိုး

တရုတ်နိုင်ငံမှာ ကိုရိုနာဗိုင်းရာ့ဆ် ပြန့်ပွားနိန်ရေအတွက် တရုတ်နှစ်သစ်ကူး ပိတ်ရက်ကို ဖေဖော်ဝါရီလ ၂ ရက်နိထိ၊ နောက်ထပ် ၄ ရက် ထပ်တိုးပီးလိုက်ပါရေ။ ပုံမှန်ဆိုကေ အေ ဇန်နဝါရီလ ၃၀ ရက်နိမှာ နှစ်သစ်ကူးပိတ်ရက်တိက ကုန်ပါဗျာလ်။ နှစ်သစ်ကူး ကျောင်းပိတ်ရက်တိကိုလည်း အကန့်အသတ်မရှိ ပိတ်ထားလိုက်ပနာ၊ ပညာရေးဝန်ကြီးဌာနက ပြန်ဖွင့်ဖို့ရက်ကို နောက်မှ အတိအကျ ကြေငြာဖို့လို့ ဆိုပါရေ။

ကိုရိုနာဗိုင်းရာ့ဆ်နန့်၂၄ နာရီအတွင်း နောက်ထပ် ၂၄ ယောက် ထပ်သီပနာ၊ အဂုဆိုကေ စုစုပေါင်း သီရေလူ ၈၀ ထိ ရှိလာပါဗျာလ်။ နောက်ထပ် ၂၅၀၀ လောက်လည်း ကူးစက်ခံထားရပနာ၊ ကူးစက်ခံထားရရေ လူမှာ ရောဂါလက္ခဏာ မပြခင်ကပင်၊ ယင်းလူဘားကတဆင့် တခြားလူတိကို ကူးစက်နိုင်ရေအတွက် ဗိုင်းရာ့ဆ်ပြန့်ပွားမှုကို ထိန်းချုပ်ဖို့ ကကောင်း အခက်အခဲ ဖြစ်နိန်ပါရေ။

အေပိုင် ပိတ်ရက်တိ ပိုပီးလိုက်တေအတွက် ရောဂါ မပြန့်ပွားအောင် ပိုထိန်းချုပ်နိုင်ဖို့လို့ အမျိုးသားကျန်းမာရေးကော်မရှန်ဝန်ကြီး မား ဇောင်ဝေ(Ma Xiaowei)က ပြောလားပါရေ။