နှစ်သစ်ကူးမှာ ကောက်တေ စစ်တမ်းတခုမှာ ဂျာမန်တိစွာ ရဲ နန့် စာသင်ကျောင်းတိကို ဘဏ်တိ၊ ကော်ပိုရေးရှန်းကြီးတိ၊ သတင်းစာတိနန့် တီဗွီသတင်းဌာနတိထက် ပိုပနာ ယုံကြည်ကတ်ရေလို့ လားတွိရပါရေ။
ဂျာမန်တိစွာ ရဲသားတိ၊ ဆရာဝန်တိ၊ တက္ကသိုလ်ဆရာတိနန့် ကျောင်းဆရာတိကို ကကောင်း ယုံကြည်မှု ရှိကတ်သလောက်၊ ဘဏ်လုပ်ငန်းရှင်တိ၊ သတင်းသမားတိနန့် တီဗွီသတင်းထုတ်လုပ်တေ လူတိကိုတော့ခါ ကကောင်း ယုံကြည်မှု မရှိကတ်လို့ ဖောဆာ(Forsa)က လက်ရှိ ကောက်တေ စစ်တမ်းမှာ လားတွိရပါရေ။
အာရ်တီအဲလ် သတင်း အုပ်စု(RTL media group)အတွက် ကောက်တေ ယင်းစစ်တမ်းမှာ ရဲတိကို ၈၃ ရာခိုင်နှုန်း ဂျာမန်တိက အပြည့်အဝ ယုံကြည်ကတ်ရေပိုင်၊ တက္ကသိုလ်တိကို ၈၀ ရာခိုင်နှုန်း၊ ဆရာဝန်တိကို ၇၈ ရာခိုင်နှုန်း၊ ကိုယ့် အလုပ်ရှင်ကို ၇၅ ရာခိုင်နှုန်း အသီးသီး ယုံကြည်မှု ရှိကတ်ပါရေ။
ယကေလည်း ပုံနှိပ် သတင်းဌာနတိကို ၄၀ ရာခိုင်နှုန်းနန့် တီဗွီသတင်းဌာနတိကို ၂၈ ရာခိုင်နှုန်းရာ ယုံကြည်မှု ရှိကတ်ပါရေ။
အောက်ဆုံးထစ်က စီးပွားရေး ကော်ပိုရေးရှန်းကြီးတိကို ၂၇ ရာခိုင်နှုန်း၊ ဘဏ်တိကို ၂၀ ရာခိုင်နှုန်း၊ အစ္စလာမ်ဘာသာကို ၉ ရာခိုင်နှုန်း၊ မန်နိန်ဂျာတိကို ၆ ရာခိုင်နှုန်းနန့် ပြည်သူတိနန့် ဆက်ဆံရရေ အဖွဲ့အစည်းတိကို ၅ ရာခိုင်နှုန်းရာ ယုံကြည်မှု ရှိကတ်ပါရေ။