ကိုသာဒိန် အိမ်ထဲကို ဝင်လာရေခါ လှထုံတယောက် ညဇာ ၈ နာရီ သတင်းကို စိတ်ဝင်တစားနန့် ထိုင်ကြည့်နိန်ရေ။
သတင်းထဲမှာ လူတယောက် တိုက်ခေါင်မိုးထက်က အောက်ကို ခုန်ဆင်းဖို့ ပြင်နိန်ရေ။ အောက်မှာ လူတိ အုံကြည့်နိန်ပနာ၊ မီးသတ်တိကလည်း မခုန်ဆင်းဖို့ တားနိန်ကတ်တေ။
“အေလူ အောက်ကို ခုန်ဆင်းဖို့ သေချာရေ။” လို့ ကိုသာဒိန်က လှမ်းပြောလိုက်တေ။
လှထုံက ရင်တမမနန့် ကြည့်နိန်ယင်း၊ လှည့်မကြည့်ဘဲ “မဆင်း။” လို့ ပြောလိုက်တေ။
“ဒေလူ အောက်ကို ခုန်ဆင်းပနာ တကိုယ်လုံး ကျိုးကြီလားရေ။ ညဇာ ၆ နာရီ သတင်းမှာ ငါ ကြည့်ဗြီးဗျာလ်။” လို့ ကိုသာဒိန်က ပြောလိုက်တေ။
“အဘာလေ လှထုံလည်း ညဇာ ၆ နာရီ သတင်းမှာ တခါ ကြည့်ပြီးပါဗျာလ်။ အေလူ ညဇာ ၆ နာရီမှာ ခုန်ချင်းလို့ တကိုယ်လုံး ကျိုးပဲ့လားစွာကို နောင်တ မရဘဲ ညဇာ ၈ နာရီမှာ တခါ ခုန်ဆင်းဖို့လို့တော့ မထင် ….. ဟေ ….. အဘာလေ …. အေလူလောက် တုံးရေလူ မရှိ။ နောက်တခါ ခုန်ဆင်းလားရေထော။”
စံဂိုးအောင်
