၂၀၁၇ ခုနှစ် နိုဗန်ဘာ ၂၀ ရက် – ဂျာမဏီနိုင်ငံ အဓိပတိ အန်ဂျဲလ်လာ မာကဲလ် (Chancellor Angela Merkel) နောက်ခံ အမျိုးသားရေးပါတီ၊ သဘာဝကို အလီးပီးရေ အစိမ်းတိ (Greens) ပါတီရို့နန့် လေးပတ်မြောက် ဆွေးနွေးပွဲ အဗြီးမှာ စီးပွားရေးကို ဦးစားပီးရေ လွတ်လပ်တေ ဒီမိုကရက်တိ (Free Democrats (FDP)) ပါတီက နုတ်ထွက်လားရေအတွက် ဥရောပ ယူရိုဖေ့သာစွာ တရုတ်ယွမ်နန့် လဲလှယ်စွာမှာ ၂ လအတွင်း အနိမ့်ဆုံးကို ထိုးဆင်းလားပါရေ။
ပါတီတခုတည်း အနိုင်ရရေ ပမာဏနန့် အစိုးရ မဖွဲ့နိုင်ရေအတွက် အခြားပါတီချေ ၂ ခုကို အမှီပြုပနာ အစိုးရဖွဲ့ဖို့ ကြိုးစားစွာမှာ မအောင်မြင်ရေအတွက် အန်ဂျဲလ်လာ မာကဲလ် ၄ ကြိမ်မြောက် ဂျာမဏီ အဓိပတိ ဖြစ်ဖို့စွာ ကကောင်း ခက်ခဲလာပါရေ။
“ဆဆိုးရရွား အုပ်ချုပ်စွာထက်၊ မအုပ်ချုပ်စွာက ပိုကောင်းရေ။” လို့ အပ်ဖ်ဒီပီ ခေါင်းဆောင် ခရစ်ရှမ်း လိန်ဒနာ က ဘာလင်မြို့တော်မှာ သတင်းထောက်တိနန့် တွိစွာမှာ ပြောလားခပါရေ။
“ဂျာမန် ကုမ္ပဏီတိ မသေချာ မရေရာရေ အဆိုးရွားဆုံး ကာလရှည်ကြီးတခုကို ဖြတ်သန်းဖို့အတွက် ပြင်ဆင်ထားဖို့ လိုရေ။” လို့ ဂျာမဏီနိုင်ငံ DIHK ဥက္ကဌ အဲရစ် ရှဲဝီတ်ဇာ (Eric Schweitzer) က ရိုက်တာ သတင်းဌာနကို ပြောလားပါရေ။