ဖေသာတိက နာတာရှည် ရောဂါသယ်ပိုင် ဖြစ်နိန်ရေအတွက် ရင်းနှီးမြှပ်နှံရေ လူတိက ရွှေဖက်ကို ပို မျက်နှာလှည့်လာကတ်တေခါ နောက် ၅ နှစ်အတွင်းမှာ ရွှေ ၁ အောင်စ တန်ဖိုးစွာ ဒေါ်လာ ၅ ထောင်ကျော်ကို တက်လာနိုင်ရေလို့ ဆန်ဖရန်ဆစ္စကိုမြို့မှာ လုပ်နိန်ရေ သတ္တုလုပ်ငန်း ဆွေးနွေးပွဲတခုမှာ နာမေကြီး မတ်အွန်း သတ္တုတွင်းကုမ္ပဏီ စီအီးအို ရော့ဘ် မတ်အွန်း(McEwen Mining CEO Rob McEwen)က ဘလုံးဘာ့ဂျ်(Bloomberg) သတင်းကို ပြောလားပါရေ။
အဂု ရွှေ ၁ အောင်စ ပေါက်စျီးစွာ ဒေါ်လာ ၁၂၈၀ ရှိပါရေ။ စီးတီးဂြိုပ်(Citigroup) အစီရင်ခံစာတခုမှာလည်း ၂၀၂၀ ခုနှစ်အတွင်း ရွှေစျီး ၁ အောင်စကို ဒေါ်လာ ၁၄၀၀ ကျော်ထိ တက်လားနိုင်ရေလို့ သုံးသပ်ထားစွာကိုလည်း တွိရပါရေ။
