ကိုရိုနာဗိုင်းရာ့ဆ်စွာ တရုတ်နိုင်ငံကနိန် တခြားနိုင်ငံတိကိုပါ ပျံ့နှံ့လာဗျာလ်ဖြစ်လို့ ကဗာ့ကျန်းမာရေးအရေးပေါ်လို့ ကဗာ့ကျန်းမာရေးအဖွဲ့ ဒဗြူအိပ်ချ်အို(World Health Organization, WHO)က ကြေငြာလိုက်ပါဗျာလ်။
“အေပိုင်ကြေငြာရရေ အဓိကအကြောင်းရင်းက တရုတ်နိုင်ငံမှာ ဗိုင်းရာ့ဆ်ပျံ့နိန်လို့ မဟုတ်ပါ။ တခြားနိုင်ငံတိကိုပါ ပျံ့နှံ့ရောက်လာလို့ ဖြစ်ပါရေ။” လို့ ဒဗြူအိပ်ချ်အို ညွှန်ချုပ် တီဒြိုဆ် အတ်ဒ်ဟန်နင်းမ် ဂီဘြီယီဆူးဆ်(Tedros Adhanom Ghebreyesus)က ပြောလားပါရေ။
အစိုးရိမ်ဆုံးက ကျန်းမာရေးစနစ် ကောင်းကောင်းမွန်မွန် မရှိရေ နိုင်ငံချေတိအတွက်လို့ ဆိုပါရေ။
လောလောဆယ် တရုတ်နိုင်ငံထဲမှာ ဗိုင်းရာ့ဆ်နန့် သီရေလူပေါင်း ၁၇၀ ရှိပါဗျာလ်။
တရုတ်နိုင်ငံပြင်ပ တခြား ၁၈ နိုင်ငံမှာလည်း လူပေါင်း ၉၈ ယောက် ကူးလို့ရှိရေ၊ ယကေလည်း လူသီစွာတော့ မရှိသိမ့်လို့ ဒဗြူအိတ်ချ်အို က ပြောလားပါရေ။
“တရုတ်နိုင်ငံမှာ ဗိုင်းရာ့ဆ် မပြန့်ပွားအောင် ထိန်းချုပ်နိန်ပုံကတော့၊ ကကောင်း နှစ်ထောင်းအားရ ဖြစ်မိပါရေ။”လို့လည်း ချီးကျူးပြောလားပါရေ။
တရုတ်နိုင်ငံကို ဆက်သွယ်ရေးနန့် ကုန်သွယ်ရေး ပိတ်ပင်ဖို့စွာကိုတော့ လုံးဝ မထောက်ခံလို့လည်း ပြောလားပါရေ။